By ફરી એકવાર મહા કુંભ મેળા વિસ્તારમાં આગચંપીની ઘટના પ્રકાશમાં આવી છે. જો કે આ વખતે આગ પર સમયસર કાબુ મેળવી લેવામાં આવતાં કોઈ જાનહાની થઈ ન હતી. આ આગ ઝુસી છટનાગ ઘાટ, નાગેશ્વર ઘાટ સેક્ટર 22 પાસે લાગી હતી. મહાકુંભના સેક્ટર 22માં લાગેલી આગના કારણે અનેક ટેન્ટ બળીને રાખ થઈ ગયા હતા. ફાયર બ્રિગેડની ટીમે ઘટનાસ્થળે પહોંચી આગ ઓલવવાનું શરૂ કર્યું હતું. ફાયરની બે ગાડીઓ સમયસર ઘટના સ્થળે પહોંચી ગઈ હતી. ફાયર બ્રિગેડની ટીમે ઘટના સ્થળે પહોંચી ભારે જહેમત બાદ આગને કાબુમાં લીધી હતી.
પોલીસ અધિકારી પ્રમોદ શર્માએ જણાવ્યું કે તેમને કુંભ મેળાના વિસ્તારમાં આગ લાગવાની માહિતી મળી હતી. જ્યારે પોલીસ ટીમ ઘટનાસ્થળે પહોંચી ત્યારે 15 ટેન્ટમાં આગ લાગી હતી. ફાયર બ્રિગેડની ટીમે ઝડપી કાર્યવાહી કરી આગને કાબુમાં લીધી હતી. આ ઘટનામાં કોઈને ઈજા થઈ હોવાના સમાચાર નથી. આગ સમયસર કાબુમાં આવી હતી. લોકોને સૂચના આપવામાં આવી રહી છે. એસડીએમ દ્વારા કહેવામાં આવ્યું છે કે અહીં અનધિકૃત ટેન્ટ લગાવવામાં આવ્યા હતા. આ વિસ્તાર ચમનગંજ ચોકી હેઠળ આવે છે. આ અંગે તેમને જાણ કરવામાં આવી છે.
