ડીસાના ખેટ્વા બસ સ્ટેન્ડ પાસે રીક્ષાની ટક્કરથી મજૂરનું મોત

ફરાર સીએનજી રીક્ષા ચાલક વિરુદ્ધ ગુનો દાખલ; હાલમાં બાજરી લેવાની ચાલતી સિઝન વચ્ચે ડીસા તાલુકાના ખેટવા ગામે અલગ અલગ ખેતરોમાં મજૂરો બાજરી વાઢવાનુ કામ કરતા હતા અને અલગ અલગ જગ્યાએ રોકાતા હતા ત્યારે આજરોજ બપોરના સવા બારેક વાગ્યે મજૂરો ખેટવા ગામે હાઇવે રોડ ઉપર એક ખેતરથી બીજા ખેતરે હાઇવે રોડની સાઇડમાં ચાલતા ચાલતા જતા હતા. ત્યારે ડીસા તરફથી એક રીક્ષા ચાલક પુરઝડપે અને ગફલતભરી રીતે રીક્ષા ચલાવી રામાભાઇને ટક્કર મારતા તે રોડની સાઇડમાં બેભાન થઈ પડી ગયેલ.જ્યારે રીક્ષાનો ચાલક તેની રીક્ષા રોડ ઉપર પલ્ટી ખાઇ ગયેલ હાલતમાં મુકીને નાશી ગયેલો. ત્યાર પછી ઈજાગ્રસ્તના ભાઈ દલાભાઇ કમાભાઇ સોલંકી એ રીક્ષાનો નંબર જોતા સી.એન.જી. રીક્ષા નં.GJ-08-AX-2156 નો હતો. ત્યાર પછી ૧૦૮ એબ્યુલન્સ દ્વારા તેને ભીલડી સરકારી હોસ્પીટલમાં લઇ ગયેલા.પણ ફરજ પરના ડોકટરે મૃત જાહેર કરેલ. આ બાબતે મૃતકની પત્નીએ રીક્ષા ચાલક વિરુદ્ધ ફરિયાદ નોંધાવતા પોલીસે કાયદેસરની કાર્યવાહી હાથ ધરી છે.