By ઈન્ડિયન સ્પેસ રિસર્ચ ઓર્ગેનાઈઝેશન (ISRO) એ ગુરુવારે SpaDeX મિશન હેઠળ અવકાશમાં બે ઉપગ્રહોને ડોક કરવાનો ચોથો પ્રયાસ સફળતાપૂર્વક પૂર્ણ કર્યો. ઈસરોના જણાવ્યા અનુસાર વૈજ્ઞાનિકોને આ પ્રયાસમાં સફળતા મળી છે. હાલમાં ડેટા વિશ્લેષણ કરવામાં આવી રહ્યું છે. આ પછી તેની જાહેરાત કરવામાં આવશે.
અગાઉ, ISROએ 12 જાન્યુઆરીએ માહિતી આપી હતી કે સ્પેસ ડોકિંગ પ્રયોગ પ્રોજેક્ટ તેના લક્ષ્યની ખૂબ નજીક આવ્યા પછી પણ મિશન પૂર્ણ કરી શક્યું નથી. ઈસરોએ કહ્યું હતું કે બંને ઉપગ્રહો વચ્ચેનું અંતર 15 મીટરથી ઘટાડીને 3 મીટર કરવાનો પ્રયાસ સફળ રહ્યો હતો, ત્યારબાદ બંને ઉપગ્રહો એકબીજાથી દૂર થઈ ગયા હતા. ઈસરોએ કહ્યું હતું કે હવે ડેટા એનાલિસિસ બાદ ડોકીંગનો પ્રયાસ કરવામાં આવશે. ડોકીંગનો ત્રીજો પ્રયાસ 12 જાન્યુઆરીએ થયો હતો. આ પહેલા પણ ડોકીંગ પ્રક્રિયા બે વખત મુલતવી રાખવી પડી હતી.
ડોકીંગ પ્રક્રિયા
અવકાશ ડોકીંગમાં, બે ઉપગ્રહો એકબીજાની નજીક આવે છે અને એક સાથે જોડાય છે.
તે એક જટિલ તકનીકી પ્રક્રિયા છે, જેનો ઉપયોગ અવકાશ મિશનમાં થાય છે.
ડોકીંગનો હેતુ ડેટા શેર કરવા, પાવર સ્ત્રોતોને જોડવા અથવા વિશેષ મિશન હાથ ધરવા માટે બે ઉપગ્રહોને એકબીજા સાથે જોડવાનો છે.
સ્પેસ ડોકીંગ દરમિયાન, એક અવકાશયાનને બીજા અવકાશયાનની નજીક લાવવાનું હોય છે અને તેને નિયંત્રિત રીતે જોડવાનું હોય છે, જેથી કોઈ નુકસાન ન થાય.
