By ડીસામાં બાંગ્લાદેશી અને બંગાળી શંકાસ્પદ લોકોની તપાસ પોલીસ દ્વારા તેજ કરવામાં આવી છે. પોલીસ દ્વારા આધાર કાર્ડ સહિતના દસ્તાવેજોની ચકાસણી શરૂ કરવામાં આવી છે. ડીસા શહેર અને આસપાસના વિસ્તારોમાં રહેતા બાંગ્લાદેશી અને પશ્ચિમ બંગાળના શંકાસ્પદ લોકો સામે પોલીસે તપાસ શરૂ કરી છે. પોલીસ આવા લોકોના આધાર કાર્ડ અને અન્ય દસ્તાવેજોની ચકાસણી કરી રહી છે. ડીસા દક્ષિણ પોલીસ સ્ટેશનના પી.આઈ.વી.એમ.ચૌધરીએ જણાવ્યું હતું કે, પશ્ચિમ બંગાળના લોકોને બોલાવીને તેમના આધાર કાર્ડ તપાસવામાં આવી રહ્યા છે. આધાર કાર્ડની અધિકૃતતા માટે તેને મામલતદાર કચેરીમાં મોકલવામાં આવશે. ગુજરાતમાં છેલ્લા 15 થી 20 વર્ષથી રહેતા અને આધાર કાર્ડ ધરાવતા લોકોના દસ્તાવેજોની પણ તપાસ હાથ ધરવામાં આવી છે. પોલીસએ પ્રથમ તબક્કામાં પશ્ચિમ બંગાળથી આવેલા શંકાસ્પદ લોકોને બોલાવીને તેમના આધાર કાર્ડ અને જરૂરી પુરાવા માંગ્યા છે. પોલીસ આ તપાસને ગંભીરતાથી લઈ રહી છે.
