Weather: હવામાન વિભાગે કરી વધુ એક આગાહી, આજે રાજ્યમાં વાદળછાયું વાતાવરણ રહેવાની શક્યતા

હવામાન વિભાગ અનુસાર આજે શુક્રવારે રાજ્યમાં વાદળછાયું વાતાવરણ રહે તેવી સંભાવના છે. તો આજે ડાંગ અને નર્મદા જિલ્લામાં હળવો વરસાદ પડે તેવી સંભાવના વ્યક્ત કરવામાં આવી છે. તો સૌરાષ્ટ્રના પણ કેટલાક વિસ્તારમાં છૂટો છવાયો વરસાદ પડવાની શક્યતા વ્યક્ત કરવામાં આવી છે. હાલમાં કોઈ પણ વરસાદી સિસ્ટમ સક્રિય ન હોવાથી ભારે વરસાદ પડવાની સંભાવના નથી. આ સાથે રાજ્યમાં ગરમીનો અનુભવ થશે.

હવામાન વિભાગની આગાહી અનુસાર આજે શુક્રવારે અમદાવાદ, બનાસકાંઠા, બોટાદ, દેવભૂમિ દ્વારકા, ગાંધીનગર, ખેડા, મહેસાણાસ, નવસારી, પંચમહાલ, વલસાડ સહિતના જિલ્લાઓમાં 34 ડિગ્રી તાપમાન રહે તેવી શક્યતા છે. તો આ તરફ અમરેલી, જૂનાગઢ, કચ્છ, તાપી અને વડોદરામાં 35 ડિગ્રી તાપમાન રહે તેવી સંભાવના છે. તો દાહોદ, ગીર સોમનાથ, પાટણ, સાબરકાંઠા, સુરેન્દ્રનગર સહિતના જિલ્લાઓમાં 32 ડિગ્રી તાપમાન રહે તેવી શક્યતા છે. તો બીજી તરફ આણંદ, અરવલ્લી,ભરુચ,ભાવનગર, છોટાઉદેપુર, જામનગર, મહીસાગર , પોરબંદર, સુરત સહિતના જિલ્લાઓમાં 33 ડિગ્રી તાપમાન રહે તેવી સંભાવના છે.