વડોદરા પોલીસ વાનમાં દારૂની મહેફીલ માણતી જોવા મળી
પોલીસમુ કામ કાયદાનું અમલ કરાવવાનું અને આરોપીઓને પકડવાનું હોય છે પણ અહીં તો પોલીસ પોતે જ કાયદાનું પાલન ન કરતી હોવાનું સામે આવ્યું છે. પોલીસ આરોપીઓને પકડવાની જગ્યાએ પોતે જ આરોપી બની ગઈ છે. આ ઘટના વડોદરામાં બની છે. જેમાં વડોદરા પોલીસ PCR વાનમાં દારૂની મહેફીલ માણતી જોવા મળી હતી.
વડોદરા પોલીસ દ્વારા PCR વાનમાં બેસીને જાહેરમાં દારૂની મહેફીલ માણવામાં આવી રહી હતી. જેમાં રાહદારી દ્વારા પોલીસ કંટ્રોલ રૂમમાં જાણ કરવામાં આવી હતી. ત્યારબાદ કોન્સ્ટેબલ નવદીપસિંહ, માલવ કહાર, સાકિર મણિયાર જાહેરમાં દારૂની મહેફીલ માણતા ઝડપાયા હતા આ ત્રણેય કોન્સ્ટેબલ દારૂનો નશો કર્યો હોવાનું જણાવતા જે.પી રોડ પોલીસમાં ગુનો નોંધવામાં આવ્યો હતો. અને ત્રણેય કોન્સ્ટેબલની અટકાયત કરવામાં આવી હતી. પોલીસ લોકોને કાયદાનું અમલ કરાવતી હોય છે પણ અહીં વડોદરામાં પોલીસ ખુદ કાયદા તોડતી જોવા મળી આવી હતી.
You may also like
