“સપને નહીં હકીકત બુનતે હૈ, તભી તો સબ મોદી કો ચુનતે હે”…ભાજપે લોકસભા ચૂંટણી માટે શરૂ કર્યો પ્રચાર

ભારતીય જનતા પાર્ટી (BJP) એ આજે એટલે કે ગુરુવારે લોકસભા ચૂંટણી 2024 માટે પ્રચાર થીમ શરૂ કરી છે. તેને બીજેપી અધ્યક્ષ જેપી નડ્ડા દ્વારા નવા વોટર કોન્ફરન્સમાં વડાપ્રધાનની સામે લોન્ચ કરવામાં આવ્યું હતું. ટેગ લાઇન રાખવામાં આવી છે ‘સપને નહીં હકીકત બુનતે હૈ, તભી તો સબ મોદી કો ચુનતે હે’. આ દરમિયાન ભાજપ અધ્યક્ષે કહ્યું કે હું તમામ નવા મતદારોને હૃદયપૂર્વક અભિનંદન આપું છું અને આવકારું છું, જેઓ લગભગ 5,800 જગ્યાએથી મોટી સંખ્યામાં ડિજિટલ માધ્યમથી જોડાયેલા છે.

નડ્ડાએ કહ્યું કે વડા પ્રધાન નરેન્દ્ર મોદીએ આપણા બધાની સામે ખૂબ જ મહત્વપૂર્ણ લક્ષ્ય રાખ્યું છે – તે છે સક્ષમ ભારત, આત્મનિર્ભર ભારત, વિકસિત ભારત. દુનિયાએ આ સ્વપ્નને સાકાર કરવાની ક્ષમતા જોઈ છે અને તેને ઓળખી પણ લીધું છે. મને પૂરો વિશ્વાસ છે કે આપણે સક્ષમ ભારત, આત્મનિર્ભર ભારત અને વિકસિત ભારત બનીને રહીશું.