મોરબી-રાજકોટ હાઇવે પર ચાલુ બાઈકે રોમાન્સ કરવો પ્રેમી પંખીડાને ભારે પડ્યો

મોરબીમાં પ્રેમી પંખીડાનો ચાલુ બાઈક પર ઇલુ ઇલુ કરતો વીડિયો વાયરલ થયો છે. મોરબી રાજકોટ હાઇવે પર વીરપરથી શનાળા ગામ નજીક એક કપલ ચાલુ બાઇકે રોમાન્સ કરતા નજરે પડ્યુ હતું, જેનો એક વીડિયો વાયરલ થયો છે. વાયરલ વીડિયોમાં આપ જોઇ શકો છો કે એક કપલ જાહેર રોડ પર ચાલુ બાઇકે રોમાન્સ કરી રહ્યું છે.

યુવતી જાણે બોલિવૂડ ફિલ્મોની હિરોઇનો હોય તેમ બાઇકની ટાંકી પર બેસી યુવક સાથે પ્રેમ લીલા રચાવી રહી છે. જો કે વીડિયો વાયરલ થયા બાદ પોલીસે કાર્યવાહી કરી છે. પોલીસે રોડ પર ચાલુ બાઇકે રોમાન્સ કરનાર કપલમાંથી બાઇક ચાલક બળવંત ચાવડાની ધરપકડ કરી છે.