ચિત્તોડગઢમાં બેકાબૂ બસ ખાડામાં પલટી, 19 મુસાફરો ઘાયલ, એક મહિલાનું મોત

રાજસ્થાનના ચિત્તોડગઢ જિલ્લાના રાવતભાટા વિસ્તારના એકલિંગપુરા ઘાટમાં રવિવારે સાંજે એક ખાનગી પેસેન્જર બસ કાબૂ બહાર નીકળીને ખાડામાં પલટી ગઈ હતી, જેના કારણે બસમાં સવાર 35 મુસાફરોમાંથી 19 લોકો ગંભીર રીતે ઘાયલ થયા, જ્યારે એક મહિલાનુ ઘટનાસ્થળે મૃત્યુ થયું હતું. તમામ ઇજાગ્રસ્તોને રાવતભાટા સરકારી હોસ્પિટલમાં દાખલ કરવામાં આવ્યા હતા, જેમાંથી પાંચ મુસાફરોની હાલત ગંભીર હોવાથી સારવાર માટે કોટા રિફર કરવામાં આવ્યા છે. અન્ય 14 ઘાયલોની સારવાર ચાલી રહી છે.

રાવતભાટાથી રામગંજ મંડી જતી બસમાં કુંડલ એકલિંગપુરા વિસ્તારની મોટી સંખ્યામાં મહિલાઓ અને શાળાની વિદ્યાર્થિનીઓ મુસાફરી કરી રહી હોવાની માહિતી મળી છે. રવિવાર રજાનો દિવસ હોવાથી શાળાની યુવતીઓ ગ્રામ્ય વિસ્તારોમાં પોતાના ઘરે જતી રહી હતી. દુર્ઘટનાની માહિતી મળતાં જ પોલીસ પ્રશાસન અને જિલ્લા પ્રશાસનના અધિકારીઓ ઘટનાસ્થળે પહોંચી ગયા હતા અને બચાવ કામગીરી હાથ ધરી હતી.