બિહારમાં વધુ એક પુલ તૂટ્યો, ગંગા નદીમાં પડ્યો પુલનો કાટમાળ

બિહારમાં પુલ તૂટી પડવાની પ્રક્રિયા અટકી રહી નથી. આ વર્ષે વરસાદે રાજ્યમાં ચાલી રહેલા ભ્રષ્ટાચારને ઉજાગર કર્યો છે. અહીં પુલ બનાવતી વખતે જરૂરી ગાઈડલાઈનનું પાલન કરવામાં આવતું નથી. આ કારણોસર બિહારમાં મોટાભાગના પુલ પડી રહ્યા છે. તાજો મામલો કટિહારના બરારી બ્લોક વિસ્તારનો છે. અહીં, બકિયા ઘાટથી બકિયા સુખાય પંચાયતને જોડતો નિર્માણાધીન પુલ બુધવારે ગંગા નદીના જોરદાર પ્રવાહને ટકી શક્યો ન હતો.

પૂલનો એક સ્લેબ ગંગા નદીમાં પડી ગયો છે. હવે સમગ્ર બ્રિજનું અસ્તિત્વ જોખમમાં છે. સ્થાનિક ગ્રામજનોના જણાવ્યા અનુસાર, બુધવારે અચાનક ગંગા નદીના પ્રવાહને કારણે પુલનો એક ભાગ નદીમાં ડૂબી ગયો હતો, હાલમાં ગંગા નદીના જળસ્તરમાં ઝડપથી વધારો થવાને કારણે આ પૂલ ઘેરાઈ ગયો છે.