ગુજરાતમાં ભુક્કાકાઢી નાખે તેવા વરસાદની આગાહી

ભારતીય હવામાન વિભાગ (IMD) એ ગુજરાત અને ઉત્તરાખંડમાં અતિ ભારે વરસાદનું રેડ એલર્ટ જાહેર કર્યું છે. જ્યારે ગુજરાતમાં 24 જુલાઈ સુધી ભારે વરસાદની આગાહી કરવામાં આવી છે, જ્યારે ઉત્તરાખંડમાં 22 જુલાઈએ ભારે વરસાદની આગાહી કરવામાં આવી છે. હિમાચલ પ્રદેશ અને અરુણાચલ પ્રદેશ, આસામ અને મેઘાલય જેવા પૂર્વોત્તર રાજ્યો સહિત ઘણા રાજ્યોમાં ભારે વરસાદનું ઓરેન્જ એલર્ટ જારી કરવામાં આવ્યું છે.

હવામાન વિભાગે કોંકણ અને ગોવા, મધ્ય મહારાષ્ટ્ર, ગુજરાત રાજ્ય, મધ્યપ્રદેશના વિસ્તારોમાં 24 જુલાઈ સુધી ભારે વરસાદની આગાહી કરી છે. વિદર્ભ, છત્તીસગઢ અને કોસ્ટલ કર્ણાટકમાં આજે વરસાદની સંભાવના છે.

રાષ્ટ્રીય રાજધાનીમાં હળવા વરસાદ અથવા ગાજવીજ સાથે ‘સામાન્ય રીતે વાદળછાયું આકાશ’ રહેવાની ધારણા છે.