લ્યો બોલો….પતિ ઘરે ચા પીવા ન આવતા પત્નીએ ફાંસો ખાધો

વડોદરામાંથી એક ચોંકાવનારો કિસ્સો સામે આવ્યો છે. અહીં એક મહિલાએ ફાંસી લગાવવાનો પ્રયાસ કર્યો કારણ કે તેનો પતિ ચા પીવા ઘરે ન આવ્યો. પતિ ઘરે ન આવવાથી નારાજ મહિલાએ કથિત રીતે તેને વીડિયો કોલ કર્યો અને આ દરમિયાન ફાંસી લગાવવાનો પ્રયાસ કર્યો. પોલીસે દ્વારા આ માહિતી આપવામાં આવી હતી. તેમણે જણાવ્યું હતું કે શનિવારે વડોદરા તાલુકા પોલીસ સ્ટેશનમાં કેસ નોંધાયા બાદ આ મામલે તપાસ શરૂ કરવામાં આવી હતી.

મળતી માહિતી મુજબ મહિલાની હાલત નાજુક હોવાનું કહેવાય છે અને તેની હોસ્પિટલમાં સારવાર ચાલી રહી છે. પોલીસ દ્વારા નોંધાયેલા કેસ અનુસાર, ઘટના ગુરુવારે સાંજે બની હતી જ્યારે 24 વર્ષીય મહિલાએ તેના પતિને વીડિયો કોલ કર્યો હતો અને કથિત રીતે પોતાને ફાંસી આપવાનો પ્રયાસ કર્યો હતો. મહિલાનો પતિ શહેરની એક હોસ્પિટલમાં ડોક્ટર છે. આરોપ છે કે તે ચા પીવા માટે ઘરે પરત ફર્યો નથી. આ વાતથી તેની પત્ની નારાજ હતી.

વડોદરા ગ્રામ્ય વિભાગના નાયબ પોલીસ અધિક્ષક બીએચ ચાવડાએ જણાવ્યું હતું કે, “આ યુગલના લગ્નને એક વર્ષથી વધારે સમય થયો છે. અમે તેના પતિના નિવેદન મુજબ કેસ નોંધ્યો છે. મહિલાની હાલત ગંભીર છે અને તેની સારવાર ચાલી રહી છે…”