![](https://www.rakhewaldaily.com/wp-content/uploads/2023/12/KANKRIYA-2.png)
આજથી કાંકરિયા કાર્નિવલનો પ્રારંભ, CM પટેલ કરાવશે પ્રારંભ
આજે કાંકરિયા કાર્નિવલનો પ્રારંભ CM ભૂપેન્દ્ર પટેલ કરાવશે. ટ્રાફિક વિભાગે 31 ડિસેમ્બર સુધી જાહેરનામું જારી કર્યુ છે. કાંકરિયા ચોકીથી રેલવે યાર્ડ-ખોખરા બ્રીજ-દેડકી ગાર્ડન-સિધ્ધિ વિનાયક હોસ્પિટલ પુષ્પકુંજ-અપ્સરા સિનેમાં-ફૂટબોલ ચાર રસ્તા-લોહાણા મહાજન વાડી થઇને કાંકરીયા સર્કલ સુધીના રૂટ પર નો સ્ટોપ, નો પાર્કિંગ ઝોન જાહેર કર્યા છે. તળાવ ફરતે વાહન થોભી શકાશે નહીં, માત્ર પાર્કિંગ સ્થળે જ પાર્કિંગ કરવું.
અમદાવાદ શહેરમાં યોજાઈ રહેલા કાર્નિવલમાં 3 ભવ્ય સ્ટેજ બનાવવામાં આવ્યા છે. જેમાં લોકસંગીતકારો અને હાસ્ય કલાકારો લોકોનું મનોરંજન કરશે. તો સુરક્ષા વ્યવસ્થાને લઇને પણ પોલીસે એક્શન પ્લાન કર્યો છે. જેમાં 2 ડીસીપી, 5 એસીપી, 14 પીઆઇ, 66 પીએસઆઈ, 963 પોલીસ જવાનો, 200 મહિલા પોલીસ, 150 હોમગાર્ડ જવાનો સહિત ૧૩૦૦ પોલીસ જવાનો બંદોબસ્તમાં હાજર રહેશે.