ભગવાન દ્વારકાધીશના ચરણોમાં ચાંદીના આભૂષણો અર્પણ કરવામાં આવ્યા

દ્વારકાના જગતમંદિરમાં બિરાજતા ભગવાન કાળીયા ઠાકોરને શીર્ષ ઝુકાવવા મોટી સંખ્યામાં શ્રદ્ધાળુઓ આવતા હોય છે.ત્યારે શ્રદ્ધાથી પ્રભુના ચરણોમાં ધન્યવાદરૂપે ભેટ સોગાદો ધરી ભક્તો શીર્ષ ઝુકાવતા હોય છે.જેમાં મૂળ જામ કલ્યાણપુરના અને રાજકોટ નિવાસી કમલનયન ભાયાણી તેમજ જયશ્રીબેન ભાયાણી પરિવાર તરફથી સવંત 2079 ચૈત્ર સુદ ચોથે દ્વારકાધીશ પ્રભુના જગતમંદિરના શિખરે ધ્વજારોહણ કરવામાં આવ્યું હતું.આ સિવાય તેમણે દ્વારકાધીશ પ્રભુને ચાંદીનો મોર મુગટ,હાર તથા 1 કિલો 300 ગ્રામ જેટલા ચાંદીના આભૂષણો અર્પણ કર્યા હતા.આમ 3 કિલો 300 ગ્રામ ચાંદી દ્વારકાધીશ પ્રભુને અર્પણ કરવામાં આવી હતી.