![](https://www.rakhewaldaily.com/wp-content/uploads/2020/12/FzQ-sdfsgsz.png)
કચ્છમાં 4.3ની તીવ્રતાનો ભૂકંપનો આંચકો અનુભવાયો, ખાવડાથી 26 કિલોમીટર દૂર કેન્દ્રબિંદુ નોંધાયુ
કચ્છમાં આજે સવારે આશરે 9.46 કલાકની આસપાસ 4.3ની તીવ્રતાનો ભૂકંપનો આંચકો અનુભવાયો. ભૂકંપનું કેન્દ્રબિંદુ ખાવડાથી 26 કિલોમીટર દૂર કેન્દ્રબિંદુ નોંધાયુ. ગઈ કાલે રાત્રે પણ ભચાઉમાં 2.19 વાગ્યે આંચકો આવ્યો હતો. જેની રિક્ટર સ્કેલ પર 2.2 ની તીવ્રતા નોંધાઇ હતી. જેનું ભચાઉથી 12 કિમી દૂર ભૂકંપનુ કેન્દ્રબિંદુ નોંધાયું હતું.
ખાવડાથી ઇસ્ટથી સાઉથ ઇસ્ટ તરફ 26 કિમી ભૂકંપનું કેન્દ્રબિંદુ જોવા મળ્યું છે. ભૂકંપની તીવ્રતા 4 રિક્ટર સ્કેલ ઉપરની હોવાથી કચ્છનાં મોટાભાગના વિસ્તારોમાં આ આંચકાનો અનુભવ થયો છે. ખાવડામાં ભૂકંપનું કેન્દ્રબિંદુ હોવાને કારણે આની અસર સૌરાષ્ટ્ર અને ઉત્તર ગુજરાતના કેટલાક વિસ્તારોમાં પણ થઇ હતી.
સૌથી વધુ તીવ્રતા કચ્છ, ભૂજના વિસ્તારમાં નોંધાઇ હતી. આ ભૂકંપના કારણે લોકો ઘરની બહાર નીકળી પડ્યા હતા પરંતુ સદ્નસીબે, હજી કોઇ મોટી જાનહાનિના સમાચાર મળ્યા નથી.