વોલ્વો કાર ઇન્ડિયાએ તેની શુદ્ધ ઇલેક્ટ્રિક ઓફરિંગ એકસ સી ૪૦ રિચાર્જની સ્થાનિક એસેમ્બલીની જાહેરાત કરી છે
- વોલ્વો ભારતની પ્રથમ લક્ઝરી બ્રાન્ડ હશે જે સ્થાનિક રીતે એસેમ્બલ બેટરી ઇલેક્ટ્રિક વ્હીકલ (બીઈવી) ઓફર કરશે.
- ઑક્ટોબરમાં શરૂ થતી ડિલિવરી સાથે જુલાઈમાં લૉન્ચ કરાશે
વોલ્વો કાર ઈન્ડિયાએ આજે જાહેરાત કરી છે કે તેની ઓલ–ઈલેક્ટ્રિક ઓફર એકસ સી૪૦ રિચાર્જને ભારતીય બજાર માટે ભારતમાં એસેમ્બલ કરવામાં આવશે. ચાર્જ દીઠ ૪૧૮ કિમી સુધીની રેન્જ ધરાવતી કાર (વર્લ્ડવાઈડ હાર્મોનાઇઝ્ડ લાઇટ વ્હીકલ ટેસ્ટ પ્રોસિજર “ડબલ્યુ એલ ટી પી” અનુસાર) બેંગલુરુ, કર્ણાટક નજીક કંપનીના હોસાકોટ પ્લાન્ટમાં એસેમ્બલ કરવામાં આવશે.
“અમે ભારતીય બજારને વિકસાવવા માટે પ્રતિબદ્ધ છીએ અને બેંગલુરુમાં અમારા પ્લાન્ટમાં અમારી નવીનતમ ઑફર એકસ સી૪૦ રિચાર્જને એસેમ્બલ કરવાની અમારી યોજના આ સંકલ્પનું પ્રતિબિંબ છે. મોબીલીટીનું ભાવિ ઇલેક્ટ્રિક છે અને એક કંપની તરીકે અમે પહેલેથી જ જણાવ્યું છે કે અમે ૨૦૩૦ સુધીમાં ઓલ–ઇલેક્ટ્રિક કાર કંપની બનીશું. સ્થાનિક એસેમ્બલી પર અમારું ધ્યાન આ દિશામાં એક પગલું છે. અમારી આંતરિક કમ્બશન એન્જિન કારની વર્તમાન રેન્જ હોસાકોટ પ્લાન્ટથી ચોક્કસ સલામતી અને ગુણવત્તાયુક્ત વૈશ્વિક માપદંડો માટે તૈયાર કરવામાં આવી રહી છે જેના માટે વોલ્વો જાણીતી છે.” વોલ્વો કાર ઈન્ડિયાના મેનેજિંગ ડિરેક્ટર શ્રી જ્યોતિ મલ્હોત્રાએ જણાવ્યું હતું
વોલ્વોએ તાજેતરમાં ભારતમાં તેમનું પ્રથમ પ્યોર–ઈલેક્ટ્રિક વ્હીકલ એકસ સી ૪૦ રિચાર્જનું પ્રદર્શન કર્યું છે અને આ વર્ષે ઓક્ટોબરમાં અપેક્ષિત ડિલિવરી સાથે જુલાઈમાં લોન્ચ કરવાનું આયોજન છે. વોલ્વો કાર ઈન્ડિયા ૨૦૨૨ની શરૂઆતથી દર વર્ષે એક નવું ઓલ–ઈલેક્ટ્રિક મોડલ રજૂ કરવા માટે પ્રતિબદ્ધ છે. વૈશ્વિક સ્તરે કંપનીએ જાહેરાત કરી છે કે ૨૦૩૦ સુધીમાં વોલ્વો માત્ર ઇલેક્ટ્રિક કારનું જ ઉત્પાદન કરશે.
ગયા વર્ષે, વોલ્વોએ એકસ સી ૬૦, એસ ૯૦, અને એકસ સી ૯૦ પેટ્રોલને ૪૮વી હળવી–હાઇબ્રિડ સિસ્ટમ સાથે રજૂ કર્યું છે અને તેના તમામ–પેટ્રોલ પોર્ટફોલિયોમાં સંક્રમણના સમર્થનમાં અને તમામ ડીઝલ મોડલને તબક્કાવાર બહાર કરી દીધા છે.એકસ સી ૪૦ એસ યુ વી, વોલ્વો એકસ સી ૬૦ એસ યુ વી,વોલ્વો એસ૬૦ સેડાન અન વોલ્વો એસ ૯૦ સેડાન વોલ્વો કાર ઈન્ડિયા દ્વારા વેચવામાં આવેલા બેસ્ટ સેલિંગ મોડલ્સમાંના હતા.
કંપનીએ ૨૦૧૭ માં ભારતમાં સ્થાનિક એસેમ્બલી શરૂ કરી અને ત્યારથી સ્થાનિક રીતે એસેમ્બલ લાઇન–અપમાં મોડલ્સ ઉમેરવાનું ચાલુ રાખવા પર ધ્યાન કેન્દ્રિત કરવામાં આવ્યું છે. હાલમાં, ફ્લેગશિપ એસ યુ વી એકસ ૯૦, મધ્યમ કદની એસ યુ વી એકસ સી ૬૦, કોમ્પેક્ટ લક્ઝરી એસ યુ વી એકસ સી ૪૦ અને લક્ઝરી સેડાન એસ ૯૦ બેંગ્લોરના પ્લાન્ટમાં સ્થાનિક રીતે એસેમ્બલ થઈ રહી છે. એકસ સી ૪૦ રિચાર્જ પ્યોર ઇલેક્ટ્રિક ભારતમાં સ્થાનિક રીતે એસેમ્બલ પોર્ટફોલિયોમાં જોડાવા માટે નવીનતમ બની ગયું છે.
- ભારતમાં વોલ્વો કાર
સ્વીડિશ લક્ઝરી કાર કંપની વોલ્વોએ ૨૦૦૭ માં ભારતમાં તેની હાજરી સ્થાપિત કરી અને ત્યારથી, દેશમાં સ્વીડિશ બ્રાન્ડનું માર્કેટિંગ કરવા માટે સઘન કામ કર્યું છે. વોલ્વો કાર હાલમાં અમદાવાદ, બેંગલુરુ, ચંદીગઢ, ચેન્નાઈ, કોઈમ્બતુર, દિલ્હી એનસીઆર – દક્ષિણ દિલ્હી, પશ્ચિમ દિલ્હી, ગુડગાંવ, હૈદરાબાદ, ઈન્દોર, રાયપુર, જયપુર, કોચી, કોઝિકોડ, કોલકાતા, લખનૌ, લુધિયાણા, પશ્ચિમ મુંબઈએકસ સી , દક્ષિણ મુંબઈ, પુણે, રાયપુર, સુરત, વિશાખાપટ્ટનમ અને વિજયવાડામાં ૨૫ ડીલરશિપ દ્વારા ઉત્પાદનોનું માર્કેટિંગ કરે છે.