By કોર્ટે કહ્યું કે ફરિયાદી અને સાક્ષીઓએ આરોપ લગાવ્યો હતો કે આરોપીએ તેને ઇલેક્ટ્રિક શોક આપ્યો હતો, પરંતુ રેકોર્ડ પર રજૂ કરાયેલા પુરાવા તે આરોપોને સાબિત કરતા નથી. ભૂતપૂર્વ IPS અધિકારી સંજીવ ભટ્ટને 27 વર્ષ જૂના કસ્ટોડિયલ ટોર્ચર કેસ (1997)માં નિર્દોષ જાહેર કરવામાં આવ્યા છે. ગુજરાતના પોરબંદરની એક કોર્ટે આ નિર્ણય આપ્યો છે. કોર્ટે કહ્યું કે ફરિયાદ પક્ષ ‘ચાર્જ સાબિત’ કરી શક્યું નથી. એડિશનલ ચીફ જ્યુડિશિયલ મેજિસ્ટ્રેટ મુકેશ પંડ્યાએ શનિવારે પોરબંદરના તત્કાલિન પોલીસ અધિક્ષક (એસપી) ભટ્ટને ભારતીય દંડ સંહિતાની કલમો હેઠળ તેમની સામે નોંધાયેલા કેસમાં પુરાવાના અભાવે નિર્દોષ જાહેર કર્યા હતા.
સંજીવ ભટ્ટ અને કોન્સ્ટેબલ વજુભાઈ ચૌ સામે ભારતીય દંડ સંહિતાની કલમ 330 (કબૂલાત માટે ઈજા પહોંચાડવી) અને 324 (ખતરનાક હથિયારોથી ઈજા પહોંચાડવી) હેઠળ ગુનો નોંધવામાં આવ્યો હતો. કોન્સ્ટેબલ વજુભાઈના મૃત્યુ બાદ તેમની સામેનો કેસ પડતો મૂકવામાં આવ્યો હતો.
નારણ જાદવ નામની વ્યક્તિની ફરિયાદના આધારે બંને વિરુદ્ધ કેસ નોંધવામાં આવ્યો હતો, જેમણે આરોપ લગાવ્યો હતો કે આતંકવાદી અને વિક્ષેપકારક પ્રવૃત્તિઓ (નિવારણ) અધિનિયમ (ટાડા) અને આર્મ્સ એક્ટ હેઠળ કબૂલાત મેળવવા માટે પોલીસ કસ્ટડીમાં તેમને શારીરિક અને માનસિક ત્રાસ આપવામાં આવ્યો હતો. માનસિક ત્રાસ આપવામાં આવ્યો હતો.
રાજસ્થાનના વકીલને ફસાવવાનો મામલો
પૂર્વ IPS અધિકારી સંજીવ ભટ્ટને અગાઉ 1990માં જામજોધપુર કસ્ટોડિયલ ડેથ કેસ આજીવન કેદ અને વર્ષ 1996માં પાલનપુરમાં રાજસ્થાનના વકીલને ફસાવવાના કેસમાં 20 વર્ષની જેલની સજા ફટકારવામાં આવી હતી. હાલ તે રાજકોટ સેન્ટ્રલ જેલમાં બંધ છે.
