‘રોકી ઔર રાની કી પ્રેમ કહાની’:રણવીર અને આલિયાની ધમાકેદાર ફિલ્મનું ડ્રામા અને રોમાંસથી ભરપુર ટ્રેલર રિલીઝ

કરણ જોહરની મોસ્ટ અવેટેડ ફિલ્મ ‘રોકી ઔર રાની કી પ્રેમ કહાની’નું ટીઝર રિલીઝ થઈ ગયું છે. આ ફિલ્મની ચાહકો ઘણા સમયથી રાહ જોઈ રહ્યા હતા. કરણ જોહર પણ આ ફિલ્મ સાથે 7 વર્ષ પછી નિર્દેશનમાં કમબેક કરી રહ્યો છે.

આ ટીઝર  જોઇને લાગે છે ફેમિલી ડ્રામા ફિલ્મ છે. જેમાં આલિયા ભટ્ટ અને રણવીર સિંહ મુખ્ય ભૂમિકામાં છે. આ ટીઝર શાહરૂખ ખાને રિલીઝ કર્યું છે. આ ટીઝરને રિલીઝ થયાની થોડી જ મિનિટોમાં ઘણા વ્યુઝ મળ્યા છે. આવી સ્થિતિમાં ફિલ્મ પ્રત્યે ચાહકોનો ઉત્સાહ સ્પષ્ટ જોવા મળી રહ્યો છે.

બોલિવૂડના બાદશાહ શાહરૂખ ખાને ઈન્સ્ટાગ્રામ પર ફિલ્મનું ટીઝર રિલીઝ કર્યું છે. આવી સ્થિતિમાં SRKએ ઈન્ડસ્ટ્રીમાં 25 વર્ષ પૂરા કરનાર કરણ જોહર માટે એક ખાસ સંદેશ પણ લખ્યો છે. ટીઝર પોસ્ટ કરતા કિંગ ખાને કેપ્શનમાં લખ્યું, ‘વાહ કરણ જોહર એક ફિલ્મમેકર તરીકે 25 વર્ષ. તું બહુ આગળ નીકળી ગયો છે બેબી!! તમારા પિતા અને મારા મિત્ર ટોમ અંકલ સ્વર્ગમાંથી આ જોઈ રહ્યા હશે અને ખૂબ જ ખુશ અને ગર્વ અનુભવતા હશે. મેં હંમેશા તમને વધુ ને વધુ ફિલ્મો બનાવવાનું કહ્યું છે કારણ કે આપણે પ્રેમનો જાદુ જીવનમાં લાવવાની જરૂર છે… ફક્ત તમે જ કરી શકો. રોકી અને રાનીની લવ સ્ટોરીનું ટીઝર ખૂબ જ સુંદર લાગી રહ્યું છે. તમને પ્રેમ અને કલાકાર અને ક્રૂને શુભેચ્છાઓ..

આ ફિલ્મનું ટીઝર ફેમિલી, ડાન્સ, ડ્રામા, રોમાન્સ અને ટ્વિસ્ટથી ભરેલું છે. જેમાં મોટી સ્ટાર કાસ્ટ સાથેનું આ ટીઝર બ્લોકબસ્ટર ફિલ્મ ‘કભી ખુશી કભી ગમ’ની યાદ અપાવે છે.

ફિલ્મના સ્ટાર કાસ્ટની જો વાત કરીએ તો આલિયા અને રણવીર સિવાય ધર્મેન્દ્ર, જયા બચ્ચન, શબાના આઝમી જેવા મોટા સ્ટાર્સ ફિલ્મમાં છે. આ ફિલ્મ આ વર્ષે 28 જુલાઈના રોજ થિયેટરમાં રિલીઝ થશે.