‘મૂસેવાલા જેવી થશે તમારી હાલત’… સલમાનને ધમકી મળ્યા બાદ ગેલેક્સી પહોંચી પોલીસ

સલમાન ખાનને મારી નાંખવાની ધમકી મળ્યા બાદ મુંબઈ પોલીસ એક્શનમાં આવી ગઈ છે. આજે મુંબઈ પોલીસની એક ટીમ સલમાન ખાનના ઘર ગેલેક્સી એપાર્ટમેન્ટ પહોંચી છે. ઉલ્લેખનીય છે કે સલમાન ખાનને ધમકી મળી હતી કે તેમને પણ સિદ્ધુ મૂસેવાલાની માફક મારી દેવામાં આવશે. સલમાન ખાન અને તેમના પિતા સલીમ ખાનના નામથી અજ્ઞાત શખ્સે લેટર મોકલ્યો હતો. આ લેટર રવિવારના બાંદ્રાના બૈંડસ્ટેંડ પ્રોમેનાડમાં મળ્યો હતો. લેટર સલીમ ખાનના ગાર્ડને એ જગ્યાએ મળ્યો હતો જ્યાં સલીમ ખાન પોતાના મૉર્નિંગ વોક બાદ જઇને બેસે છે.

ધમકીભર્યા પત્રમાં શું લખ્યું હતું?

ધમકીભર્યા પત્રમાં લખ્યું હતું કે, ‘સલીમ ખાન, સલમાન ખાન બહુ જલદી તમારી હાલત પણ સિદ્ધુ મૂસેવાલા જેવી થશે.’ આ મામલે મુંબઈની બાંદ્રા પોલીસે FIR નોંધી છે. પોલીસે IPCના સેક્શન 506 અંતર્ગત કેસ નોંધ્યો હતો. સિદ્ધુ મૂસેવાલાની હત્યા બાદ સલમાનને ધમકીભર્યો લેટર મળ્યાથી આખા બોલીવૂડમાં હાહાકાર મચી ગયો છે. ફેન્સથી લઇને સેલિબ્રિટી સુધી તમામ સલમાનને લઇને ચિંતિત છે. પોલીસ પણ હવે આ મામલે એલર્ટ મોડમાં છે અને આ મામલે સાવધાનીપૂર્વક તપાસ કરી રહી છે. આજે મુંબઈ પોલીસની ટીમ સલમાન ખાનના ઘર ગેલેક્સી એપાર્ટમેન્ટ પહોંચી છે.

સલીમ ખાને શું કહ્યું?

સલમાનના ઘરે જોઇન્ટ કમિશ્નર વિશ્વાસ નાગરે પાટિલ અને ડીસીપી મંજૂનાથ શિંગે પહોંચ્યા હતા. જો કે પૂછપરછ બાદ તેઓ સલમાનના ઘરેથી નીકળી ગયા. સલીમ ખાને પોલીસને જણાવ્યું હતું કે, મૉર્નિંગ વૉક ખત્મ કર્યા બાદ તેમનું રોજ એક જ બેંચ પર બેસવાનું ફિક્સ છે. તેઓ રવિવાર સવારે પોતાના 2 બોડીગાર્ડ્સની સાથે વૉક પર ગયા હતા. આવામાં એક બોડીગાર્ડે બેંચ પર લેટર પડેલો જોયો હતો. પોતાની ફરિયાદમાં સલીમ ખાને કોઈ પર પણ તેમને મારી નાંખવાનો શક નથી વ્યક્ત કર્યો.

મુંબઈ પોલીસ વધારશે સુરક્ષા

ધમકી ભરેલા પત્રને તેમણે પોલીસને સોંપી દીધો છે. પોલીસ આ મામલે તપાસ કરી રહી છે અને એ જાણવાનો પ્રયત્ન કરી રહી છે કે આખરે સલમાન ખાન અને તેમના પિતાને મારી નાંખવાની ધમકી કોણે આપે છે. પંજાબી સિંગર સિદ્ધુ મૂસેવાલાની હાલમાં જ ધોળે દહાડે હત્યા કરા દેવામાં આવી છે. સિદ્ધુ મૂસેવાલા પર 30 રાઉન્ડ ફાયરિંગ કરવામાં આવ્યું હતું. સિંગરની હત્યા બાદ બોલીવૂડના સૌથી મોટા સ્ટારને ધમકી મળવી ચિંતાની વાત છે. સલમાનના પિતાને મળેલા ધમકીભર્યા લેટરમાં સિદ્ધુ મૂસેવાલાનું નામ મળવું ચિંતિત કરનારું છે. આવામાં મુંબઈ પોલીસ હવે સલમાન અને તેના પરિવારની સિક્યુરિટી વધારી શકે છે.