![](https://www.rakhewaldaily.com/wp-content/uploads/2022/08/Rakhewal-93.jpg)
પંપથી બ્રેસ્ટમિલ્ક નીકાળીને કલ્કિ કેકલાં કરતી હતી શૂટ
મુંબઈ, બોલિવૂડ એક્ટ્રેસ કલ્કિ કેકલાં પોતાના બૉલ્ડ વિચારો માટે જાણીતી છે. તેણે ફેબ્રુઆરી ૨૦૨૦માં દીકરીને જન્મ આપ્યો હતો. ત્યારે હવે કલ્કિ કેકલાંએ એક જૂનો ફોટો શેર કરતા જણાવ્યું કે, એક વર્કિંગ મધર (કાર્યરત માતા)નું જીવન કેવું હોય છે. આ ફોટોમાં કલ્કિ કેકલાંએ પહેલી વખત એવો ખુલાસો કર્યો છે કે શૂટિંગ પહેલા તે બ્રેસ્ટ પંપથી પોતાનું દૂધ નીકાળ્યા બાદ શૂટિંગ પર જતી હતી. કલ્કિ કેકલાંએ આ ફોટો શેર કરતા કેપ્શનમાં ‘mom’s guilt’ એટલે કે માતાનો દોષ લખીને પોતાનો અફસોસ વ્યક્ત કર્યો છે.
આ ફોટોમાં કલ્કિ કેકલાં મેકઅપ કરતી જાેવા મળી રહી છે. તેના બ્રેસ્ટમાં પમ્પિંગ મશીન લગાવ્યા છે. કલ્કિ કેકલાંનો આ ફોટો તેના ફેન્સ ખૂબ પસંદ કરી રહ્યા છે. તેમજ આ ફોટોની પ્રશંસા પણ કરી રહ્યા છે. કલ્કિ કેકલાંના એક ફેને લખ્યું કે અમને ખબર છે કે તમે જે શ્રેષ્ઠ કરી શકો છો તે તમે કર્યું. તમે પોતાની ઈચ્છાનું કામ કરીને જ સૌથી સારા વ્યક્તિ બની શકો છો. હંમેશાં આ રીતે જ સ્પેશિયલ બની રહો અને ક્યારેય બદલાશો નહીં કારણકે આ તમને સ્પેશિયલ બનાવે છે. જ્યારે અન્ય યૂઝરે લખ્યું કે તમે ખરેખરમાં સૌથી સુંદર મહિલા છો. કલ્કિ કેકલાં જ્યારે માતા બની ત્યારે તેણે પોસ્ટ કરતા જણાવ્યું હતું કે, ‘આભાર ટ્યૂલિપ વુમેન કેર ટીમનો અને તમામ ડોક્ટર્સનો.
જેમણે મને ૧૭ કલાક લેબર પેનમાં સંભાળી. હું પ્રયાસ કરી રહી હતી અને કહી રહી હતી કે બાળકને બહાર કાઢી લો. જાે કે તેમણે કહ્યું કે તું અહીંયા સુધી આવી છે અને તું બાળકને નેચરલ રીતે પાણીમાં જન્મ આપવા માગતી હતી અને થોડા કલાક બાદ સેફોનો જન્મ થયો. તમે બધા જાદુઈ વર્કર છો. એક્ટ્રેસે પહેલા જ જણાવી દીધું હતું કે તે વોટર બર્થ થકી બાળકને જન્મ આપશે, કારણકે તેની માએ પણ આમ કર્યું હતું. તેવામાં તે આ પ્રથાને આગળ લઈ જવા માગે છે.
૭ ફેબ્રુઆરી ૨૦૨૦ના રોજ ગોવામાં કલ્કિએ દીકરીને જન્મ આપ્યો હતો. જે બાદ તેણે તેની ફુટપ્રિન્ટ્સ પણ શેર કરી હતી. જણાવી દઈએ કે, કલ્કિ કેકલાએ અગાઉ ફિલ્મમેકર અનુરાગ કશ્યપ સાથે ૨૦૧૧માં લગ્ન કર્યા હતા. જાે કે, કલ્કિ અને અનુરાગ ૨૦૧૫માં છૂટા પડી ગયા હતા. ડિવોર્સ બાદ આજે પણ બંને વચ્ચે સારી મિત્રતા છે. કલ્કિની પ્રેગ્નેન્સી વિશે જાણ થતાં અનુરાગે પેરેન્ટ્સ ક્લબમાં પૂર્વ પત્નીનું સ્વાગત કર્યું હતું.