જાહ્નવી કપૂરે રિક્રિએટ કર્યો અનુપમાનો ફેમસ ડાયલોગ

મુંબઈ, બોલિવૂડ અભિનેત્રી જાહ્નવી કપૂર ફિલ્મોની સાથે સાથે સોશિયલ મીડિયા પર પણ ઘણી સક્રિય છે. તે સોશિયલ મીડિયા પર ટ્રેન્ડિંગ વીડિયો બનાવીને શેર કરતી રહે છે. તે પોતાના મિત્રો સાથે મળીને વાયરલ અને ફની રીલ્સ બનાવતી હોય છે. અને તાજેતરમાં જ તેણે ટીવીની લોકપ્રિય સીરિયલ અનુપમાનો એક ફેમસ ડાયલોગ રિક્રિએટ કરીને શેર કર્યો છે. તેણે આ રીલ પોતાના મિત્રો સાથે મળીને બનાવી છે. આ વીડિયો પર આલિયા ભટ્ટ અને તારા સુતારિયાએ પણ પોતાની પ્રતિક્રિયા આપી છે.

ઉલ્લેખનીય છે કે ઈન્સ્ટાગ્રામ પર અત્યારે અનુપમા સીરિયલનો ફેમસ ડાયલોગ ‘આપકો ક્યા’ ટ્રેન્ડ થઈ રહ્યો છે. અનુપમા સીરિયલમાં અનુપમાનું પાત્ર ભજવતી રુપાલી ગાંગુલી પોતાના પૂર્વ પતિ વનરાજ શાહને આ ડાયલોગ કહેતી હોય છે. ડાયલોગ એવો છે કે, હું હરુ, ફરુ, એકલી ફરુ, કોઈની સાથે ફરુ, કોઈ પણ સમયે ફરુ, તમારે શું લેવા દેવા? અત્યાર સુધી ઘણાં લોકો આ ડાયલોગને રિક્રિએટ કરી ચૂક્યા છે. ખાસકરીને મહિલાઓ આ ડાયલોગ પર રીલ બનાવી રહી છે.

જાહ્નવી કપૂરે પણ મિત્રો સાથે મળીને આ વીડિયો રેકોર્ડ કર્યો છે. અભિનેત્રી અને તેના મિત્રો ડાયલોગ અનુસાર એક્ટિંગ કરી રહ્યા છે અને અંતમાં એક સાથે બેસીને પૂછે છે કે, આપકો ક્યા? આ વીડિયો પર માત્ર ફેન્સ જ નહીં, બોલિવૂડ સ્ટાર્સ પણ કમેન્ટ કરી રહ્યા છે. તારા સુતારિયાએ લખ્યું છે કે, બેસ્ટ બ્રો. જ્યારે આલિયા ભટ્ટે પણ લખ્યું છે- હિલેરિયસ. ઘણાં લોકોએ ટીકા પણ કરી છે અને લખ્યું છે- ઓવરએક્ટિંગ. પણ આ એક ફની વીડિયો છે. જાહ્નવી કપૂરે આ પહેલા નાગિન ૬ના એક ડાયલોગને પણ રિક્રિએટ કર્યો હતો. આ ડાયલોગ તેજસ્વી પ્રકાશનો છે, જેમાં તે અડધી રાત્રે વૉક કરવાનું કારણ જણાવી રહી છે.

અનુપમાનું પાત્ર ભજવતી અભિનેત્રી રુપાલી ગાંગુલીએ પણ આ વીડિયો શેર કર્યો છે. તેણે વીડિયોની સાથે લખ્યું છે- હાહા, થેંક યુ જાહ્નવી. અનુપમા ટીવીની લોકપ્રિય સીરિયલમાંથી એક છે. રુપાલી ગાંગુલી, સુધાંશુ પાંડે સહિતના કલાકારોને આ સીરિયલ પછી ઘર-ઘરમાં ઓળખ મળી છે. ટીઆરપીની રેસમાં આ સીરિયલ મોટાભાગે આગળ હોય છે.

જાહ્નવી કપૂરની વાત કરીએ તો તાજેતરમા જ તેની ફિલ્મ ગુડ લક જેરી ડિઝની પ્લસ હોટસ્ટાર પર રીલિઝ થઈ હતી. આ ફિલ્મમાં તેના અભિનયના ખૂબ વખાણ કરવામાં આવ્યા હતા. હવે તે મિસ્ટર એન્ડ મિસિસ માહી ફિલ્મમાં જાેવા મળશે, જેમાં તેની સાથે રાજકુમાર રાવ પણ હશે. આ સિવાય વરુણ ધવન સ્ટારર ફિલ્મ બવાલમાં પણ તે જાેવા મળશે.