![](https://www.rakhewaldaily.com/wp-content/uploads/2020/12/COOLI-NO.1.jpg)
ધવનની કુલી નં.૧ઃ મળી સૌથી ઓછી રેટિંગ, જુની ફિલ્મની ઇમેજને ખરાબ કરવાનો આરોપ
મુંબઈ,
બૉલીવુડ એક્ટર વરુણ ધવન અને એક્ટ્રેસ સારા અલી ખાન સ્ટારર ફિલ્મ ‘કુલી નં. ૧’ ફરી એકવાર ધોવાઇ છે, ફિલ્મને ક્યાંક સારો રિસ્પૉન્સ નથી મળી રહ્યો, ફિલ્મ ક્રિટિક્સથી લઇને ઓડિયન્સે વરુણ-સારાની સ્ટૉરીને નાપસંદ કરી દીધી છે. હવે આ બન્ને કલાકારોને એક મોટો ઝટકો લાગ્યો છે. ફિલ્મને આઇએમડીબી પર સૌથી ઓછી રેટિંગ મળી છે. લોકો ગોવિંદાની જુની ફિલ્મની ઇમેજને ખરાબ કરવાનો આરોપ લગાવી રહ્યાં છે.
એટલુ જ નહીં ‘કુલી નં. ૧’ને સલમાન અને બૉબી દેઓલ સ્ટારર રેસ ૩ના રેટિંગથી પણ ઓછી રેટિંગ મળી છે. ગોવિંદાની બેસ્ટ ફિલ્મને ખરાબ કરવા માટે દિગ્ગજ એક્ટરના ફેન્સ વરુણ ધવન પર નિશાન સાધી રહ્યાં છે. લોકો કહી રહ્યાં છે વરુણ ધવન ગોવિંદાની બેસ્ટ ઇમેજને ખરાબ કરી રહ્યો છે. વરુણ ધવનને ફિલ્મના ટ્રેન વાળા સીનને લઇને સૌથી વધુ ટ્રૉલ કરવામાં આવી રહ્યો છે. આના પર લોકો લૉજીક અને સાયન્સ પર સવાલો પુછી રહ્યાં છે.
ગોવિંદાના ફેન્સ ટ્રેન વાળા સીનને લઇને વરુણ ધવન પર ભડક્યા છે.આઇએમડીબીએ ‘કુલી નં. ૧’ને મળેલા ઓડિયન્સ રિસ્પૉન્સ અને ક્રિટિક્સ રિવ્યૂના આધારે ફિલ્મને ૧.૪ રેટિંગ આપ્યુ છે. આની રેટિંગ સલમાનની રેસ ૩ કરતા પણ ઓછુ છે, રેસને આઇએમડીબી તરફથી ૧.૯ રેટિંગ મળ્યુ છે. આ સૌથી ખરાબ રેટિંગ છે. રેસ ૩ વર્ષ ૨૦૧૮માં રિલીઝ થઇ હતી.