આમિર – સલમાન સહિતના બોલીવુડના કલાકારોએ કરણ દેઓલના રિસેપ્શનમાં જમાવ્યો રંગ

સની દેઓલના પુત્ર કરણ દેઓલ અને ફિલ્મ નિર્માતા બિમલ રોયની પ્રપૌત્રી દ્રિશા આચાર્ય સાથે ગઈકાલ રવિવારે ધામધુમથી લગ્ન યોજાયા. લગ્ન બાદ 18 જૂનને રવિવારના રોજ રાતના ગ્રેટ વેડિંગ રિસેપ્શન રાખવામાં આવ્યું હતું. આ વર-કન્યાની તસવીરો ઉપરાંત વરઘોડા સહિતના પ્રસંગોની તસવીરો અને વીડિયો સોશિયલ મીડિયા પર ભારે વાયરલ થયા હતા.

સની દેઓલના પુત્ર કરણ દેઓલે તેની ગર્લફ્રેન્ડ દ્રિશા આચાર્યના લગ્નની સોશિયલ મીડિયા પર ખૂબ વાઈરલ થઈ છે. જેમાં આ કપલ ખૂબ જ સુંદર લાગી રહ્યું છે. લગ્ન બાદ હવે તેમના રિસેપ્શનની તસવીરો અને વીડિયો સામે આવ્યા છે. આ રિસેપ્શનમાં આમિર ખાન, રણવીર સિંહ, દીપિકા પાદુકોણ, સલમાન ખાન, અનુપમ ખેર, સુનીલ શેટ્ટી સહિત ઘણા બોલિવૂડ સ્ટાર્સ જોવા મળ્યા હતા. તો આ બાજુ રણવીર સિંહ અને દીપિકા પાદુકોણે મેરી ઉંમર કે નૌજવાનો ગીત પર જોરદાર ડાન્સ કરી દરેકનું ધ્યાન ખેચ્યુ હતું.

કરણ દેઓલે દ્રિષા આચાર્ય સાથે લગ્નની તસવીરો શેર કરી છે. તેણે ઈન્સ્ટાગ્રામમાં પોસ્ટ કરી લખ્યુ હતું કે,  “તું જ મારી આજ અને આવતીકાલ છો, આ અમારા જીવનમાં એક સુંદર સફરની શરૂઆત,” તેણે લગ્નની તસવીરો સાથે આવી કેપ્શન આપી હતી. તસવીરમાં કરણે સફેદ શેરવાની પહેરી હતી જ્યારે દ્રષ્ટિ લાલ લહેંગામાં અદભૂત દેખાતી હતી. બેહદ સુંદર લાગી રહી હતી. આ સાથે રિસેપ્શનમાં મોટાભાગના બોલિવૂડ સ્ટાર્સ જોવા મળ્યા હતા.