પટનામાં BJP નેતાની હત્યા, CCTV ફૂટેજ સામે આવ્યા
બિહારની રાજધાની પટનામાં બદમાશોનું મનોબળ વધી રહ્યું છે. રવિવારે વહેલી સવારે અહીં ભાજપના એક નેતાની હત્યા કરવામાં આવી હતી. બાઇક પર સવાર અજાણ્યા બદમાશોએ ભાજપના નેતાને માથામાં ગોળી મારી હતી, જેના કારણે તેમનું મૃત્યુ થયું હતું. ગુનેગારોએ પટનાના ચોક પોલીસ સ્ટેશન વિસ્તારના રામદેવ મહતો કોમ્યુનિટી હોલ પાસે આ ઘટનાને અંજામ આપ્યો હતો. ઘટનાના સીસીટીવી ફૂટેજ પણ સામે આવ્યા છે. ઘટનાને અંજામ આપ્યા બાદ આરોપીઓ બાઇક પર સ્થળ પરથી ફરાર થઇ ગયા હતા. હાલ પોલીસની ટીમ ઘટનાસ્થળે પહોંચી ગઈ છે અને મામલાની તપાસ કરવામાં આવી રહી છે.
આ સમગ્ર ઘટના ચોક પોલીસ સ્ટેશન વિસ્તારમાંથી જાણવા મળી રહી છે. અહીં, રામદેવ મહતો કોમ્યુનિટી હોલ પાસે, અજાણ્યા ગુનેગારોએ ભાજપના નેતાને માથામાં ગોળી મારીને હત્યા કરી હતી. ભાજપના નેતાની ઓળખ શ્યામ સુંદર શર્મા ઉર્ફે મુન્ના શર્મા તરીકે થઈ છે. જણાવવામાં આવી રહ્યું છે કે શ્યામ સુંદર શર્મા ઉર્ફે મુન્ના શર્મા ભાજપ ચોક મંડળના પૂર્વ અધ્યક્ષ રહી ચુક્યા છે. ઘટનાના સીસીટીવી ફૂટેજ પણ સામે આવ્યા છે. પોલીસ નજીકના અન્ય સીસીટીવી ફૂટેજ પણ ચકાસી રહી છે.
You may also like
