બ્રહ્માસ્ત્રમાં રણબીર કપૂર પર ભારે પડશે આલિયા

મુંબઈ, રણબીર કપૂર અને આલિયા ભટ્ટની મોસ્ટ અવેટેડ ફિલ્મ બ્રહ્માસ્ત્રનો પ્રથમ રિવ્યૂ સામે આવી ગયો છે. ૯મી સપ્ટેમ્બરના રોજ આ ફિલ્મ સિનેમાઘરોમાં રીલિઝ થવાની છે. અયાન મુખર્જીની આ ફિલ્મની મેકર્સ, સ્ટાર કાસ્ટ અને ફેન્સ આતુરતાથી રાહ જાેઈ રહ્યા છે. જાે કે, પાછલા થોડા દિવસોથી સ્પેશિયલ સ્ક્રીનિંગ ચાલી રહી છે, અને હવે ફિલ્મનો પ્રથમ રિવ્યૂ પણ સામે આવ્યો છે. ફિલ્મને પ્રથમ રિવ્યૂ ફેન્સને નિરાશ કરી શકે છે. તેમાં માત્ર ૨.૫ સ્ટાર આપવામાં આવ્યા છે.

અયાન મુખર્જીની આ ફિલ્મને તૈયાર કરવામાં પાંચ વર્ષનો સમય લાગ્યો હતો. ફિલ્મને ત્રણ ભાગમાં બનાવવામાં આવી છે. સીરિઝનો પ્રથમ ભાગ ૯ સપ્ટેમ્બરના રોજ રીલિઝ થવાનો છે. આ ફિલ્મનો પ્રથમ રિવ્યૂ સોશિયલ મીડિયા પર વાયરલ થઈ રહ્યો છે. ફિલ્મ રીલિઝ થતા પહેલા સેન્સર બોર્ડના સભ્યોને બતાવવામાં આવી હતી. ફિલ્મ ક્રિટિક ઉમૈર સંધૂએ ફિલ્મ જાેયા પછી શોર્ય રિવ્યૂ આપ્યો છે અને પોતાનો અભિપ્રાય શેર કર્યો છે. ઉમૈર સંધુએ ટિ્‌વટર પર લખ્યું કે, રણબીર કપૂર આખી ફિલ્મમાં ઘણો કન્ફ્યુઝ લાગી રહ્યો છે. તેને ખબર જ નથી કે શું ચાલી રહ્યું છે. આલિયા ભટ્ટ ફિલ્મમાં ઘણી સારી લાગી રહી છે.

મૌની રોય ક્રીપી લાગી રહી છે. તેનું પર્ફોમન્સ પણ લાઉડ છે. અમિતાભ બચ્ચનનો પ્રભાવ જાેવા મળી રહ્યો છે. એક પસ્તાવો રહેશે કે તેમનું ફૂટેજ ઘણું ઓછું છે. તેમણે પોતાની ગરિમા જાળવી રાખી છે. ઉમૈર સંધુએ આગળ લખ્યું કે, બોલિવૂડમાં ફેન્ટેસી અથવા એડવેન્ચર ફિલ્મ ભાગ્યે જ જાેવા મળે છે. આ હિંમત કરવા બદલ અયાન મુખર્જીના વખાણ કરવા જાેઈએ. આ એવી ફીલ્ડ છે જ્યાં ભાગ્યે જ કોઈ સાહસ કરતું હોય છે, પરંતુ સ્ક્રીનપ્લે અને સ્ટોરી સાધારણ છે અને અમુક વાર તો બધું ભેગું થઈ ગયું હોય તેમ લાગે છે. પાંચમાંથી અઢી સ્ટાર આપી શકાય છે. આ સિવાય તેમણે વધુ એક ટિ્‌વટ કરીને લખ્યું કે, ચળકતી દરેક વસ્તુ સોનુ નથી હોતી. તેમણે કટાક્ષમાં ધર્મા પ્રોડક્શનનો પણ આભાર વ્યક્ત કર્યો છે.

ઉમૈરે લખ્યું કે, લાઈગર પછી ફરી એકવાર અમને મૂરખ બનાવવા માટે તમારો આભાર. તમને જણાવી દઈએ કે બ્રહ્માસ્ત્રનું એડવાન્સ બૂકિંગ મોટા પ્રમાણમાં થયું છે. ૨ સપ્ટેમ્બરથી બુકિંગની શરુઆત થઈ ગઈ હતી. ફિલ્મે પ્રથમ દિવસ માટે લગભગ સાડા છ કરોડનો બિઝનસ કર્યો છે. એડવાન્સ બુકિંગ બાબતે ફિલ્મે વર્ષની સુપરહિટ ફિલ્મો ઇઇઇ અને ભૂલ ભુલૈયા ૨ને પણ પછાડ્યા છે. ફિલ્મ એક્સપર્ટ્‌સનું માનવું છે કે ફિલ્મ પ્રથમ દિવસે જ જબરદસ્ત કમાણી કરી શકે છે. ફિલ્મની ટીમે પ્રમોશનમાં પણ કોઈ કસર નથી છોડી.