અક્ષય કુમારના વખાણ કરવામાં આવતા ગુસ્સે ભરાયો અભિષેક બચ્ચન, કહ્યું- આ સાચી વાત નથી, દરેક માણસ કામ કરવા માટે અલગ અલગ વાતોથી મોટિવેટ હોય છે

મુંબઈ,
સોશિયલ મીડિયા એક એવું પ્લેટફોર્મ છે જ્યાં લોકોને પોતાનો મત રજૂ કરવાની આઝાદી છે. પરંતુ ક્યારે આ મત બીજાને ખોટું લગાવી દે તેનો અંદાજાે લગાવી શકાતો નથી. એવી જ વાતને લઈને સોશિયલ મીડિયા વોર થતી રહેતી હોય છે. આજે પણ એક એવી જ ઘટના સામે આવી છે. આ ઘટના અભિષેક બચ્ચનની સાથે જાેડાયેલી છે. પોતાના ટિ્‌વટને લઈને અભિષેક બચ્ચન ચર્ચામાં આવી ગયો છે. હાલમાં જ ફિલ્મ એક્ઝીબિટર અક્ષય રાઠીએ સોશિયલ મીડિયા ઉપર એક ટિ્‌વટ કરી અક્ષય કુમારના વખાણ કર્યા હતા. તેણે અક્ષય કુમારના શૂટિંગ કરવાને લઈને ખુબ જ વખાણ કર્યા હતા.
અક્ષય રાઠીએ તેના ટિ્‌વટમાં લખ્યું હતું કે, એ કેટલી મસ્ત વાત છે કે અક્ષય કુમાર એટલા સમયમાં એક ફિલ્મ પુરી કરી દે છે જેટલા સમયમાં અન્ય કેટલાક કલાકારો માત્ર સ્કિલ્સ જ શીખી શકે છે. ત્યારે અક્ષય કુમારની ફિલ્મો વધારે હિટ સાબિત થાય છે. બીજા સ્ટાર્સે કંઈક ખાસ કરવુ પડશે. સારું પ્લાનિંગ કરવું પડશે.
અક્ષય રાઠીના આ ટિ્‌વટ ઉપર અભિષેક બચ્ચનની નજર પડતા જ અભિષેક બચ્ચને તરત જ એ વાતની પ્રતિક્રિયા આપી છે. તેણે જવાબ આપતા લખ્યું કે, આ સાચી વાત નથી, દરેક માણસ કામ કરવા માટે અલગ અલગ વાતોથી મોટિવેટ હોય છે. દરેકની કામ કરવાની પોતપોતાની ઝડપ હોય છે. તો ફરી અક્ષય રાઠીએ અભિષેકની એ વાતનો જવાબ પણ આપ્યો હતો. તેણે ફરી ટિ્‌વટ કરીને લખ્યું કે, સાધારણ પરિસ્થિતઓમાં એ બરાબર છે. પરંતુ અત્યારે તો વધારેથી વધારે કામ કરવાની જરૂરીયાત છે. કલાકારોએ પોતાની ઝડપને વધારવી પડશે. તેનાથી લોકોમાં એક આશા તો જાગશે.