કોરોનાનો રાફડો ફાટ્યો; રાજકોટમાં પાંચ કેસ, સુરતમાં વધુ બે કોરોના પોઝિટિવ

ગુજરાતમાં અત્યાર સુધમાં 100થી વધુ કોરોનાના કેસ સામે આવ્યા છે. એક પછી એક શહેરમાંથી કોરોનાના નવા કેસ નોંધાઈ રહ્યા છે. અમદાવાદ, સુરત બાદ ફરી એકવાર રાજકોટમાં જ કોરોનાના કેસ નોંધાયા હોવાનું સામે આવ્યું છે. રાજકોટ શહેરમાં કોરોનાના વધુ 5 કેસ નોંધાયા છે. હાલ કોરોના પોઝિટિવ દર્દીઓ હોમ આઈસોલેશન હેઠળ છે. રાજકોટમાં મોટા ભાગના દર્દીઓની ટ્રાવેલ હિસ્ટ્રી વિદેશની હોય એવું જોવા મળ્યું છે.

ગુજરાતમાં કોરોનાનો રાફડો ફાટ્યો હોય એવી સ્થિતિ છે કારણ કે, દરરોજ કોરોનાના કેસની સંખ્યામાં વધારો થઈ રહ્યો છે. ત્યારે ફરી એકવાર રાજકોટ શહેરમાં કોરોનાના કેસો સામે આવતા હડકંપ મચી જવા પામ્યો છે. રાજકોટમાં પહેલા વિદેશની આવેલો દર્દી કોરોના પોઝિટિવ હોવાનું સામે આવ્યું હતું તો ત્યાર બાદ 2 દિવસ પહેલા કોરોનાના 4 કેસ સામે આવ્યા હતા. અત્યારે ફરી રાજકોટ શહેરમાં કોરોનાના વધુ 5 કેસ નોંધાયા હોવાનું સામે આવ્યું છે.

સુરતમાં કોરોના કેસમાં ધીમે ધીમે વધારો થઈ રહ્યો છે. સુરતમાં વધુ બે કોરોના પોઝિટિવ કેસ આવતા હડકંપ મચી જવા પામ્યો છે. નાનપુરાના 30 વર્ષીય યુવક અને ઘોડદોડ રોડની 64 વર્ષીય વૃદ્ધાનો કોરોના રિપોર્ટ પોઝિટિવ આવ્યો છે. યુવક હોસ્પિટલમાં સારવાર હેઠળ છે તો વૃદ્ધાને હોમ આઇસોલેશનમાં રખાવામાં આવ્યા છે. એક જ સપ્તાહમાં સુરતમાં 7 કોરોના કેસ પોઝિટિવ સામે આવતા લોકોમાં વધુ મહામારી ફેલાય તેવો ભય છે. હાલ બંનેના સેમ્પલ જીનોમ સિક્વન્સિંગ માટે મોકલાયા છે.