ડીસાના ભોયણ હાઈવે પર કોલસા ભરેલી ટ્રક પલટી, સર્વિસ રોડ બંધ કરાતા ટ્રાફિક જામ

ડીસા-ભોયણ હાઈવે પર આજે બપોરના સુમારે કોલસા ભરીને જઈ રહેલી એક ટ્રક અચાનક પલટી ખાઈ ગઈ હતી. આ ઘટનાને પગલે હાઈવે પર દોડધામ મચી ગઈ હતી. સદભાગ્યે, આ અકસ્માતમાં કોઈ જાનહાનિ થઈ નથી. જોકે, સાવચેતીના ભાગરૂપે નેશનલ હાઈવે ઓથોરિટી દ્વારા તાત્કાલિક ધોરણે સર્વિસ રોડ બંધ કરવામાં આવ્યો હતો. જેના પરિણામે હાઈવે પર ટ્રાફિક જામના દ્રશ્યો સર્જાયા હતા અને વાહન ચાલકોને મુશ્કેલીનો સામનો કરવો પડ્યો હતો. પોલીસ અને હાઈવે ઓથોરિટીના અધિકારીઓ ઘટના સ્થળે પહોંચી ગયા હતા. અને પરિસ્થિતિને નિયંત્રણમાં લેવાના પ્રયાસો હાથ ધર્યા હતા. ટ્રકને હટાવવાની અને રસ્તો પૂર્વવત કરવાની કામગીરી ચાલી રહી છે.