સેબીની અનેક પ્રકારની છૂટ બાદ પણ IPO માર્કેટમાં તેજી જોવા મળી રહી નથી, અનેક કંપનીઓએ લિસ્ટિંગ ટાળ્યું

નવી દિલ્હી. સિક્યોરિટીઝ એન્ડ એક્સચેંજ બોર્ડ ઓફ ઈન્ડિયા (સેબી) દ્વારા અનેક પ્રકારના છૂટ બાદ પણ ઇનિશિયલ પબ્લિક ઓફરિંગ (IPO) માર્કેટમાં તેજી જોવા મળી રહી નથી. હાલમાં, ઘણી કંપનીઓએ બજારમાં તેમની લિસ્ટિંગની યોજના પડતી મૂકી કરી છે. ઇન્વેસ્ટર બેન્કરોના જણાવ્યા અનુસાર IPO માર્કેટ સંપૂર્ણ રીતે અટકી ગયું છે અને આ વર્ષના અંત સુધીમાં આવી જ સ્થિતિ થવાની સંભાવના છે. આવી સ્થિતિ ત્યારે છે જ્યારે બજારમાં કેટલીક મોટી કંપનીઓએ IPO મારફત અબજો ડોલર એકત્રિત કર્યા છે.

ગયા મહિને માર્કેટ રેગ્યુલેટર સેબીએ IPOના સંબંધમાં વિવિધ છૂટ આપી હતી. જેની માન્યતા 1 માર્ચથી 30 સપ્ટેમ્બરની વચ્ચે સમાપ્ત થવાની હતી તેમને વધારાના 6 મહિનાની મહોલાત આપી છે. સેબીની આ રાહતનો એક ડઝનથી વધુ કંપનીઓને લાભ થશે, જેમણે આશરે 15 હજાર કરોડ એકત્ર કરવાની યોજના બનાવી હતી. આ કંપનીઓમાં શ્રીરામ પ્રોપર્ટીઝ, બજાજ એનર્જી, એન્જલ બ્રોકિંગ અને ઇન્ડિયન રિન્યુએબલ એનર્જી ડેવલપમેન્ટ એજન્સીનો સમાવેશ થાય છે. ઇન્વેસ્ટર બેન્કરોએ સેબીના આ પગલાંને આવકાર્યો છે. ઘણી કંપનીઓએ હાલની બજારની સ્થિતિને ધ્યાનમાં રાખીને તેમના IPOની યોજના મોકૂફ રાખી છે.

એડલવાઈઝ ફાઇનાન્શિયલ સર્વિસીસના હેડ ઓફ ઇક્વિટી કેપિટલ માર્કેટ્સ, જીબી જેકબ કહે છે કે IPO માર્કેટ સામાન્ય રીતે સેકન્ડરી બજારને ટ્રેક કરે છે. જ્યાં સુધી સેકન્ડરી બજારમાં મજબૂતી ન આવે ત્યાં સુધી IPO દ્વારા ભંડોળ એકઠું કરવામાં માંડી રહેશે. જેકબના જણાવ્યા મુજબ, જો સેકન્ડરી માર્કેટમાં આવતા મહિનાઓમાં સકારાત્મક વાતાવરણ ઉભું થાય છે, તો કેટલીક કંપનીઓ સેબીની મુક્તિનો લાભ લઈને IPO લાવી શકે છે.

પ્રાઇમ ડેટાબેસના એમડી પ્રણવ હલ્દિયા કહે છે કે, આ સમયે બધું દેશમાં લોકડાઉન કેટલો સમય ચાલુ રહેશે તેના પર નિર્ભર છે. જો મેના અંત સુધીમાં વ્યવસાય ફરીથી શરૂ થશે, તો કંપનીઓ હજી પણ બજારમાં પ્રવેશવામાં થોડો સમય લેશે. ઇન્વેસ્ટર બેન્કરોનું કહેવું છે કે બજારનું મૂલ્યાંકન નોંધપાત્ર રીતે નીચે આવ્યું છે. તેથી કંપનીઓ અને પ્રમોટરો ગયા વર્ષે સબમિટ કરેલી એપ્લિકેશન કરતા ઓછા મૂલ્યની અપેક્ષા રાખે છે. પરિણામ એ આવ્યું છે કે ઘણી કંપનીઓ અને પ્રમોટરો ઓછા વેલ્યુએશન પર વેચવાને બદલે વેઇટિંગની વ્યૂહરચના અપનાવી રહ્યા છે.

ઇન્વેસ્ટર બેન્કરોના જણાવ્યા મુજબ, વર્ષ 2020 IPO માર્કેટ માટે સંપૂર્ણ વોશઆઉટ વર્ષ સાબિત થઈ શકે છે. આ વર્ષે અત્યાર સુધીમાં માત્ર એક જ કંપની SBI કાર્ડ્સ અને પેમેન્ટ સર્વિસિસનો IPO આવ્યો છે. કંપનીનો શેરનો ભાવ હાલમાં ઇશ્યૂ પ્રાઇસથી 30% નીચે ટ્રેડ કરી રહ્યો છે. આનાથી નિયમિતપણે IPOમાં રોકાણ કરનારા લોકોની ભાવના નબળી પડી છે.