![](https://www.rakhewaldaily.com/wp-content/uploads/2023/09/repo.png)
શું RBI આ વખતે રેપો રેટ્સમાં કરશે વધારો? આવ્યું મોટું અપડેટ…
દેશભરમાં મોંઘવારીનો દર વધી રહ્યો છે. રિટેલ ફુગાવો હજુ પણ ખૂબ ઊંચા સ્તરે છે અને યુએસ સેન્ટ્રલ બેંક ફેડરલ રિઝર્વે વધુ થોડા સમય માટે તેનું કડક વલણ જાળવી રાખવાનો નિર્ણય કર્યો છે. આવી સ્થિતિમાં નિષ્ણાતોનું માનવું છે કે આગામી મહિનાની શરૂઆતમાં ભારતીય રિઝર્વ બેન્કની નાણાકીય સમીક્ષા બેઠકમાં ફરી એકવાર પોલિસી રેટ યથાવત રાખવાનો નિર્ણય લેવામાં આવી શકે છે.
8 ફેબ્રુઆરીએ રેપો રેટમાં વધારો કરવામાં આવ્યો હતો
રિઝર્વ બેંકે 8 ફેબ્રુઆરી, 2023ના રોજ રેપો રેટ વધારીને 6.5 ટકા કર્યો હતો અને ત્યારથી તેણે આંતરરાષ્ટ્રીય બજારમાં અત્યંત ઊંચો છૂટક ફુગાવો અને ક્રૂડ ઓઈલના ઊંચા ભાવ સહિતના કેટલાક વૈશ્વિક પરિબળોને ધ્યાનમાં રાખીને દરો સમાન સ્તરે જાળવી રાખ્યા છે.
4 થી 6 ઓક્ટોબરના રોજ બેઠક યોજાશે
RBI ગવર્નરની અધ્યક્ષતામાં છ સભ્યોની MPCની બેઠક 4-6 ઓક્ટોબરના રોજ પ્રસ્તાવિત છે. એમપીસીની છેલ્લી બેઠક ઓગસ્ટમાં મળી હતી.
આ વખતે રેપો રેટમાં કોઈ ફેરફાર થશે નહીં
બેંક ઓફ બરોડાના મુખ્ય અર્થશાસ્ત્રી મદન સબનવીસે કહ્યું છે કે અમને આશા છે કે RBI આ વખતે વ્યાજ દરમાં કોઈ ફેરફાર નહીં કરે કારણ કે ફુગાવો હજુ પણ ઊંચો છે અને રોકડની સ્થિતિ તંગ છે. જો મોંઘવારી પર આરબીઆઈનો અંદાજ સાચો માનવામાં આવે તો ત્રીજા ક્વાર્ટરમાં પણ તે પાંચ ટકાથી વધુ રહેશે. આવી સ્થિતિમાં, વર્તમાન કેલેન્ડર વર્ષ 2023 અને સંભવતઃ ચોથા ક્વાર્ટરમાં પણ રેપો રેટમાં કોઈ ફેરફાર થશે નહીં.
ઓગસ્ટમાં CPIમાં ઘટાડો થયો હતો
સબનવીસે કહ્યું કે ખરીફ પાક, ખાસ કરીને કઠોળને લઈને અનિશ્ચિતતા છે. જોકે, ઓગસ્ટમાં ગ્રાહક ભાવ સૂચકાંક (CPI) આધારિત ફુગાવો થોડો ઘટીને 6.83 ટકા થયો છે. જુલાઈમાં તે 7.44 ટકા હતો. જોકે, તે હજુ પણ રિઝર્વ બેન્કના છ ટકાના સંતોષકારક સ્તરથી ઉપર છે.
સરકારે આપી આ સૂચના
સરકારે મોંઘવારી દરને બે ટકાના તફાવત સાથે ચાર ટકા પર રાખવાની જવાબદારી આરબીઆઈને આપી છે.
ટામેટાં સસ્તા હોવાનો ફાયદો મળ્યો
ICRA લિમિટેડના મુખ્ય અર્થશાસ્ત્રી, અદિતિ નાયરે જણાવ્યું હતું કે ગ્રાહક ભાવ સૂચકાંક આધારિત ફુગાવો સપ્ટેમ્બર, 2023માં ઘટીને 5.3-5.5 ટકા થવાની ધારણા છે. જેમાં ટામેટાંનો સરેરાશ ભાવ અડધો થઈ ગયો હતો.જે ફાયદો થયો હતો. નાયરે કહ્યું કે ICRAને લાગે છે કે MPC ઓક્ટોબર 2023ની નીતિમાં કોઈ ફેરફાર કરશે નહીં.