![](https://www.rakhewaldaily.com/wp-content/uploads/2021/01/orig_saa_1609468304.jpg)
કેન્દ્ર સરકારે એમેઝોન અને ફ્લિપકાર્ટ પર કાર્યવાહી કરવા માટે ED અને RBIને નિર્દેશ આપ્યા
કેન્દ્ર સરકારે એમેઝોન અને વૉલમાર્ટની ફ્લિપકાર્ટ પર કાર્યવાહી કરવા માટે ઈડી અને આરબીઆઈને નિર્દેશ આપ્યા છે. આ કંપનીઓ પર એફડીઆઈ નીતિ અને ફોરેન એક્સચેન્જ મેનેજમેન્ટ એક્ટ(ફેમા)ના ભંગનો આરોપ છે.
કન્ફેડરેશન ઓફ ઓલ ઈન્ડિયા ટ્રેડર્સ(સીએઆઈટી) લાંબા સમયથી આ કંપનીઓ પર કાર્યવાહીની માગ કરી રહ્યું છે. મનાય છે કે તેના આધારે જ કેન્દ્ર સરકારે ઈડી અને આરબીઆઈને કાર્યવાહીનો નિર્દેશ આપ્યો છે. સીએઆઈટીના રાષ્ટ્રીય અધ્યક્ષ બી.સી.ભરતિયા અને મહાસચિવ પ્રવીણ ખંડેલવાલે તાજેતરમાં આ મામલે કેન્દ્રીય વાણિજ્યમંત્રી પીયૂષ ગોયલ સાથે મુલાકાત કરી હતી.