મુકેશ અંબાણીની રિલાયન્સ કંપનીએ બનાવ્યો રેકોર્ડ, એક વર્ષમાં 2.60 લાખ લોકોને આપી રોજગારી

Jio: મુકેશ અંબાણીની રિલાયન્સ ઈન્ડસ્ટ્રીએ નવો રેકોર્ડ બનાવ્યો છે. રિલાયન્સ ઇન્ડસ્ટ્રીઝે છેલ્લા એક વર્ષમાં 2.60 લાખ લોકોને નોકરી આપી છે.મુકેશ અંબાણીએ છેલ્લા ત્રણ વર્ષમાં એક પણ રૂપિયો પગાર લીધો નથી. વર્ષ 2022-23માં રિલાયન્સ ગ્રુપે 2.62 લાખ લોકોને નોકરી આપી છે. તેમાંથી 1.8 લાખ લોકો રિટેલ સાથે જોડાયેલા છે, જ્યારે 70,500 લોકો Jio સાથે જોડાયેલા છે. રિલાયન્સ ઇન્ડસ્ટ્રીઝે વિવિધ વ્યવસાયોમાં 2,62,558 નોકરીઓનું સર્જન કરીને ભારતીયો માટે રોજગારનો નવો રેકોર્ડ બનાવ્યો છે. અત્યાર સુધી કોઈ કંપનીએ એક વર્ષમાં આવો રેકોર્ડ બનાવ્યો નથી. રિલાયન્સના વાર્ષિક અહેવાલ મુજબ, 2,45,581 ઓન-રોલ કર્મચારીઓ સાથે, રિલાયન્સ રિટેલ દેશની સૌથી મોટી નોકરીદાતા બની ગઈ છે.ત્યારે, RILના કુલ કર્મચારીઓની સંખ્યા વધીને 3.89 લાખ થઈ ગઈ છે.

સતત ત્રીજા વર્ષે નોકરીઓમાં થયો વધારો

આ સતત ત્રીજું વર્ષ છે જ્યારે રિલાયન્સે નોકરીઓમાં વધારો કર્યો છે. વર્ષ 2021-22માં, કંપનીએ તેના વિવિધ વ્યવસાયોમાં રેકોર્ડ 2.32 લાખ નોકરીઓ આપી હતી. અગાઉ, કંપનીએ કોરોના દરમિયાન પણ ઘણા પ્રતિબંધો છતાં વર્ષ 2020-21માં 75,000 નવી નોકરીઓ આપી હતી.

વાર્ષિક અહેવાલ મુજબ આ વખતે પણ રિલાયન્સ ઈન્ડસ્ટ્રીઝ સૌથી વધુ ટેક્સ ચૂકવતી કંપની બની છે. 31 માર્ચ 2023 ના રોજ પૂરા થતા છેલ્લા નાણાકીય વર્ષ માટે, રિલાયન્સ ઇન્ડસ્ટ્રીઝે સરકારી તિજોરીમાં ટેક્સ તરીકે રૂ. 1.77 લાખ કરોડનું યોગદાન આપ્યું છે. અગાઉ, નાણાકીય વર્ષ 2021-22 દરમિયાન, સૌથી મોટી કંપનીએ ટેક્સ તરીકે 1.88 લાખ કરોડ રૂપિયા જમા કરાવ્યા હતા. કંપનીએ પ્રત્યક્ષ અને પરોક્ષ કર, સ્પેક્ટ્રમ ચાર્જ વગેરે સહિત છેલ્લા ત્રણ વર્ષમાં 5.65 લાખ કરોડ રૂપિયા સરકારી તિજોરીમાં જમા કરાવ્યા છે.