24 કલાકમાં મોંઘી થઈ આ 7 બેંકોની લોન, જાણી લો કેમ લીધો આ નિર્ણય

મોંઘવારી પર અંકુશ મેળવવા માટે રિઝર્વ બેંક રેપો રેટ વધારવાના માર્ગ પર પાછી ફરી છે. સૌથી પહેલા તો રિઝર્વ બેંકે મે મહિનામાં રેપો રેટમાં 0.40 ટકાનો વધારો કર્યો હતો. તે પછી જૂનમાં યોજાયેલી MPC મીટિંગ પછી કેન્દ્રીય બેંકે ફરીથી રેપો રેટમાં 0.50 ટકાનો વધારો (Loans from 7 banks) કર્યો. આ રીતે મે-જૂનમાં રેપો રેટ 0.90 ટકા વધીને 4.90 ટકા થયો છે. રેપો રેટમાં નવીનતમ વધારો ( આ અઠવાડિયે બુધવારે થયો હતો. આ પછી માત્ર 24 કલાકમાં 7 બેંકોએ વ્યાજદરમાં વધારો કરવાની જાહેરાત કરી છે.

ICICI બેંક

રિઝર્વ બેંકની જાહેરાત બાદ ખાનગી ક્ષેત્રની આ બીજી સૌથી મોટી બેંક ગ્રાહકો પર વધારાના દરનો બોજ નાખવામાં આગળ હતી. ICICI બેન્કે ગુરુવારે બેન્ચમાર્ક ધિરાણ દર 0.50 ટકા વધારીને 8.60 ટકા કર્યો છે. ICICI બેંકની વેબસાઈટ પર એક નોટિફિકેશનમાં આપવામાં આવેલી માહિતી અનુસાર, એક્સટર્નલ બેન્ચમાર્ક લેન્ડિંગ રેટ (EBLR)ના વધેલા દર 8 જૂનથી લાગુ થઈ ગયા છે. આ સાથે બેંકે MCLRમાં પણ વધારો કર્યો છે. MCLRના વધેલા દરો 01 જૂનથી અમલી બન્યા છે. બેંકે કહ્યું કે રાતોરાત એક મહિના અને 3 મહિના માટે MCLR હવે અનુક્રમે 7.30 ટકા અને 7.35 ટકા છે. આ જ રીતે સુધારેલ MCLR 6 મહિના માટે 7.50 ટકા અને એક વર્ષ માટે 7.55 ટકા છે.

બેંક ઓફ બરોડા

બેંક ઓફ બરોડાએ બરોડાએ રેપો લિંક્ડ લેન્ડિંગ રેટ (BRLLR) વધારવાની જાહેરાત કરી હતી. બેંકે કહ્યું કે હવે આ દર વધીને 7.40 ટકા થઈ ગયો છે. આમાં આરબીઆઈના રેપો રેટના 4.90 ટકા છે. આ સિવાય બેંકે 2.50 ટકા માર્ક અપ ઉમેર્યો છે. બેંક ઓફ બરોડાએ ગુરુવારે જણાવ્યું હતું કે નવા દરો 09 જૂનથી લાગુ થઈ ગયા છે.

પંજાબ નેશનલ બેંક

પંજાબ નેશનલ બેંકે રેપો લિંક્ડ લેન્ડિંગ રેટ (RLLR) વધાર્યો છે. જાહેર ક્ષેત્રની બીજી સૌથી મોટી બેંકે કહ્યું કે તેણે હવે રેપો લિંક્ડ લેન્ડિંગ રેટ (RLLR) વધારીને 7.40 ટકા કર્યો છે. PNBના વધેલા વ્યાજ દરો પણ 9 જૂનથી અમલમાં આવી ગયા છે.

બેંક ઓફ ઇન્ડિયા

બેંક ઓફ ઈન્ડિયાએ પણ પોતાની વેબસાઈટ પર વ્યાજ દરો વધારવાની માહિતી આપી છે. બેંક ઓફ ઇન્ડિયાએ કહ્યું કે તેણે હવે રેપો આધારિત લેન્ડિંગ રેટ (RBLR) વધારીને 7.75 ટકા કર્યો છે. બેંક ઓફ ઈન્ડિયાએ કહ્યું કે રિઝર્વ બેંકે રેપો રેટ વધારીને 4.90 ટકા કર્યા બાદ તેણે વ્યાજ દરમાં વધારો કરવાનો નિર્ણય લીધો છે.

HDFC લિમિટેડ

HDFC લિમિટેડ દેશની સૌથી મોટી હાઉસિંગ ફાઇનાન્સ કંપની છે. HDFC લિમિટેડે કહ્યું કે તેણે હાઉસિંગ લોન માટે બેન્ચમાર્ક રિટેલ પ્રાઇમ લેન્ડિંગ રેટ (RPLR) વધાર્યો છે. HDFC લિમિટેડની એડજસ્ટેબલ રેટ હોમ લોન (ARHL) આ દર પર આધારિત છે. કંપનીએ આ દરમાં 0.50 ટકાનો વધારો કર્યો છે. કંપનીએ BSEને જણાવ્યું કે વધેલા દરો 10 જૂનથી લાગુ થઈ ગયા છે.

ઈન્ડિયન ઓવરસીઝ બેંક

ઈન્ડિયન ઓવરસીઝ બેંકે પણ રેગ્યુલેટરી ફાઈલિંગમાં વ્યાજ દરો વધારવાની માહિતી આપી છે. ઈન્ડિયન ઓવરસીઝ બેંકે કહ્યું કે તેણે રેપો લિંક્ડ લેન્ડિંગ રેટ (RLLR) વધારીને 7.75 ટકા કરવાનો નિર્ણય કર્યો છે. જેમાં 4.90 ટકા રેપો રેટ અને 2.85 ટકા માર્જિન સામેલ છે. બેંકે કહ્યું કે વધેલા વ્યાજ દરો 10 જૂનથી લાગુ થઈ ગયા છે.

HDFC બેંક

દેશની સૌથી મોટી ખાનગી બેંકે હાઉસિંગ લોનથી લઈને કાર લોન અને પર્સનલ લોન પર વ્યાજદરમાં વધારો કર્યો છે. જોકે, આ બેંકે આરબીઆઈની જાહેરાત પહેલા જ વ્યાજદરમાં વધારો કરી દીધો હતો. બેંકે રેપો લિંક્ડ લેન્ડિંગ રેટ (RLLR) 0.50 ટકા વધારીને 7.40 ટકા કર્યો છે. આ સિવાય આરએલએલઆર પર આધારિત ન હોય તેવી અન્ય લોનના વ્યાજ દરમાં 0.35 ટકાનો વધારો કરવામાં આવ્યો છે.