Jio એ યુઝર્સને આપ્યો આંચકો, પોસ્ટપેડ અને પ્રીપેડ પ્લાન કર્યા મોંઘા, જુઓ અહીં નવી કિંમતો

જો તમે પણ મોબાઈલ ફોન Jio પ્લાનનો ઉપયોગ કરો છો તો આ સમાચાર તમને પરેશાન કરી શકે છે. કારણ કે દેશની સૌથી મોટી ટેલિકોમ કંપની Jio એ પોતાના મોબાઈલ રિચાર્જ પ્લાનની કિંમતોમાં વધારો કર્યો છે. જે પછી, 28 દિવસની વેલિડિટીવાળા Jioના સૌથી સસ્તા પ્લાન માટે યુઝર્સને 155 રૂપિયાની જગ્યાએ 189 રૂપિયા ખર્ચવા પડશે. Jio પ્લાનની આ નવી કિંમત 3 જુલાઈ, 2024થી લાગુ કરવામાં આવશે. ચાલો હવે જાણીએ Jioના કયા પ્લાન માટે કેટલી કિંમત ચૂકવવી પડશે.

Jio રિચાર્જ પ્લાન થયા મોંઘા 

Jio એ તેના લગભગ તમામ રિચાર્જ પ્લાન મોંઘા કરી દીધા છે. જે બાદ યુઝર્સને આ પ્લાન્સ માટે પહેલા કરતા વધુ પૈસા ખર્ચવા પડશે. આમાં Jioના પોસ્ટપેડ અને પ્રીપેડ બંને પ્લાન સામેલ છે.

28 દિવસની માન્યતા સાથેના પ્લાન

• 28 દિવસની વેલિડિટી સાથે 155 રૂપિયાનો પ્રીપેડ પ્લાન હવે 189 રૂપિયાનો થઈ ગયો છે.
• જ્યારે 209 રૂપિયાના પ્લાનની કિંમત 249 રૂપિયા આપવામાં આવી છે.
• 239 રૂપિયાના પ્રીપેડ પ્લાનની કિંમત હવે 299 રૂપિયા થઈ ગઈ છે.
• જો તમે 349 રૂપિયાના પ્લાનનો ઉપયોગ કરો છો, તો હવે તમારે તેના માટે 399 રૂપિયા ખર્ચવા પડશે.
• જ્યારે 399 રૂપિયાના પ્રીપેડ પ્લાન માટે તમારે 449 રૂપિયા ચૂકવવા પડશે.

56 દિવસની માન્યતા સાથેના પ્લાન

• Jioનો 56 દિવસની વેલિડિટી સાથેનો 479 રૂપિયાનો પ્લાન હવે 579 રૂપિયામાં ઉપલબ્ધ થશે.
• 533 રૂપિયાના પ્લાનની કિંમત હવે વધારીને 629 રૂપિયા કરવામાં આવી છે.

84 દિવસની માન્યતા સાથેના પ્લાન

• Jioનો 84 દિવસની વેલિડિટી સાથેનો સૌથી સસ્તો પ્લાન 395 રૂપિયામાં ઉપલબ્ધ હતો. જે 3 જુલાઈથી 479 રૂપિયામાં ઉપલબ્ધ થશે.
• 666 રૂપિયાના રિચાર્જ પ્લાનની કિંમત વધારીને 799 રૂપિયા કરવામાં આવી છે.
• 719 રૂપિયાના 84 દિવસના રિચાર્જની કિંમત 859 રૂપિયા થઈ ગઈ છે.
• જ્યારે 999 રૂપિયાના પ્લાન માટે યુઝર્સને 1199 રૂપિયા ખર્ચવા પડશે.

વાર્ષિક રિચાર્જ મોંઘુ 

જિયોએ માત્ર તેના ઓછા ખર્ચના પ્લાનની કિંમતમાં વધારો કર્યો નથી, પરંતુ વાર્ષિક પ્લાનને પણ મોંઘો કર્યો છે. Jio હવે 3599 રૂપિયામાં 2999 રૂપિયાના 365 દિવસ મળશે. જ્યારે 1559 રૂપિયાનો પ્લાન ઘટાડીને 1899 રૂપિયા કરવામાં આવ્યો છે.

પોસ્ટપેડ પ્લાન પણ મોંઘા 

Jioના પોસ્ટપેડ પ્લાનની વાત કરીએ તો, કંપનીએ તેના રૂ. 299 પ્લાનની કિંમત વધારીને રૂ. 349 કરી દીધી છે. જો તમે 399 રૂપિયાનો પ્લાન લો છો તો તમારે 449 રૂપિયા ખર્ચવા પડશે.