બજારમાંથી સસ્તું સોનું ખરીદવું હોય તો પૈસા રાખજો તૈયાર, અઠવાડીયા બાદ લોન્ચ થઇ રહી છે મોદી સરકારની આ યોજના

હાલમાં લગ્નની સિઝન ચાલી રહી છે. સોનાની કિંમત 63000 રૂપિયા પ્રતિ 10 ગ્રામની ઉપર છે. સોનું મોંઘું છે, તેથી લોકો ઈચ્છે તો પણ તેને ખરીદી શકતા નથી. જો તમે તેની કિંમતને કારણે સોનું ખરીદી શકતા નથી, તો તમારા માટે સારા સમાચાર છે. આવતા સપ્તાહથી તમને સસ્તું સોનું ખરીદવાની તક મળી રહી છે. 12 ફેબ્રુઆરી, 2024થી તમે મોદી સરકારની ગોલ્ડ સ્કીમ હેઠળ ગોલ્ડ બોન્ડમાં રોકાણ કરી શકો છો. અમે સરકારી ગોલ્ડ બોન્ડ સોવરિન ગોલ્ડ બોન્ડ 2023-24 સિરીઝ IV વિશે વાત કરી રહ્યા છીએ.

શું છે સોવરિન ગોલ્ડ બોન્ડ ?

સોવરીન ગોલ્ડ બોન્ડ એ સરકારની ગોલ્ડ બોન્ડ સ્કીમ છે, જે તમને સોનામાં રોકાણ કરવાની તક આપે છે. તમે બજાર કરતાં ઓછી કિંમતે સોનાની ખરીદી કરીને તેમાં રોકાણ કરી શકો છો. આ ગોલ્ડ બોન્ડ દ્વારા તમને 99.9 ટકા શુદ્ધ સોનું ખરીદવાની તક મળે છે. આરબીઆઈ આ ગોલ્ડ બોન્ડ બહાર પાડે છે. SGB ​​ને ડીમેટમાં રૂપાંતરિત કરી શકાય છે. તમે આ ગોલ્ડ બોન્ડ દ્વારા 24 કેરેટના 99.9% શુદ્ધ સોનામાં રોકાણ કરી શકો છો. એટલું જ નહીં, જો તમે બોન્ડ ખરીદવા માટે ઓનલાઈન અરજી કરો છો અને ચુકવણી કરો છો, તો તમને સોવરિન ગોલ્ડ બોન્ડમાં રોકાણ કરવા પર ડિસ્કાઉન્ટ પણ મળે છે.

તમે કરી શકો છો SGB માં ક્યારે રોકાણ ?

તમે સોવરિન ગોલ્ડ બોન્ડ 2023-24 સિરીઝ IV માં 12 ફેબ્રુઆરીથી 16 ફેબ્રુઆરી 2024 સુધી રોકાણ કરી શકો છો. એટલે કે તમારી પાસે આ ગોલ્ડ બોન્ડમાં રોકાણ કરવા માટે પાંચ દિવસ છે. રોકાણ બાદ 21મી ફેબ્રુઆરીથી બોન્ડ જારી કરવામાં આવશે.

ક્યાંથી ખરીદી શકો છો  સોવરિન ગોલ્ડ બોન્ડ 

-તમે આરબીઆઈ દ્વારા જારી કરાયેલ SGB ને નિયુક્ત કોમર્શિયલ બેંકો પાસેથી ઓનલાઈન અને ઓફલાઈન ખરીદી શકો છો.

-આ સિવાય તમે પોસ્ટ ઓફિસ સ્ટોક હોલ્ડિંગ કોર્પોરેશનમાંથી ખરીદી શકો છો.

-તમે BSE, NSE પ્લેટફોર્મ પરથી પણ ખરીદી શકો છો.

સોવરિન ગોલ્ડ બોન્ડના ફાયદા શું છે?

સોવરિન ગોલ્ડ બોન્ડમાં રોકાણ પર તમને વ્યાજ મળે છે. ગોલ્ડ બોન્ડમાં રોકાણ કરીને તમે વાર્ષિક 2.4 ટકા વ્યાજ મેળવી શકો છો. જેમ જેમ સોનાની કિંમત વધે છે તેમ તેમ ગોલ્ડ બોન્ડમાં તમારા રોકાણનું મૂલ્ય વધે છે. આ ગોલ્ડ બોન્ડનું નિયંત્રણ આરબીઆઈના હાથમાં હોવાથી તમારે તમારા રોકાણની સુરક્ષાની ચિંતા કરવાની જરૂર નથી. જ્યારે તમારે ભૌતિક સોના પર ત્રણ ટકા GST ચૂકવવો પડશે, ત્યારે ગોલ્ડ બોન્ડ પર કોઈ GST નથી. તમે આ બોન્ડ દ્વારા લોન લઈ શકો છો. તમારે ન તો સોનાની શુદ્ધતા વિશે ચિંતા કરવાની જરૂર છે અને ન તો તેને લોકરમાં રાખવાની. આટલું જ નહીં, તમારે મેચ્યોરિટી પછી સોના પર કોઈ ટેક્સ ચૂકવવો પડતો નથી. ઓનલાઈન ખરીદી પર તમને 50 રૂપિયા પ્રતિ ગ્રામનું ડિસ્કાઉન્ટ પણ મળે છે.

આ ગોલ્ડ બોન્ડ કોણ ખરીદી શકે?

કોઈપણ ભારતીય નાગરિક અને ભારતમાં રહેતા ભારતીય મૂળની વ્યક્તિ તેમાં રોકાણ કરી શકે છે. આ સિવાય ટ્રસ્ટ, UGC દ્વારા માન્યતા પ્રાપ્ત તમામ યુનિવર્સિટીઓ અને ચેરિટેબલ સંસ્થાઓ તેમાં રોકાણ કરી શકે છે. વ્યક્તિગત રીતે, તમે 1 ગ્રામથી 4 કિલોગ્રામ સુધીના સોનામાં રોકાણ કરી શકો છો.

ગોલ્ડ બોન્ડમાં કેવી રીતે રોકાણ કરવું

તમે ઓનલાઈન અને ઓફલાઈન મોડ દ્વારા ગોલ્ડ બોન્ડમાં રોકાણ કરી શકો છો. આ માટે તમારે માત્ર કેટલાક સ્ટેપ્સ ફોલો કરવા પડશે.

– નેટ બેંકિંગ દ્વારા ખાતામાં લોગ ઇન કરો.

– હોમ પેજ પરના મુખ્ય મેનુ પર જાઓ, ‘ઈ-સર્વિસીસ’ પસંદ કરો અને ‘સોવરિન ગોલ્ડ બોન્ડ’ પર ક્લિક કરો.

-નવા યુઝર્સે પહેલા રજીસ્ટ્રેશન કરાવવું પડશે. જો તમે રજીસ્ટર છો તો લોગીન કરો.

-તમામ વિગતો ભર્યા પછી, ઓનલાઈન રજીસ્ટ્રેશન ફોર્મ સબમિટ કરો.

-રજીસ્ટ્રેશન પછી, હેડર લિંક/વિભાગમાંથી ખરીદી વિકલ્પ પસંદ કરો અને ‘ખરીદો’ પર ક્લિક કરો.

– સબસ્ક્રિપ્શન જથ્થો અને નોમિની વિગતો દાખલ કરો.

-મોબાઇલ નંબર પર મોકલવામાં આવેલા OTP સાથે પ્રક્રિયા પૂર્ણ કરવામાં આવશે.