![](https://www.rakhewaldaily.com/wp-content/uploads/2020/08/orig_train_1598749756.jpg)
ભારતમાં પ્રાઇવેટ ટ્રેન દોડાવવા માટેની રેસમાં 23 કંપની, જેમાંથી 10ને રેલવેનો અનુભવ નહીં, 13 કંપની પહેલેથી રેલવેના કામ સાથે જોડાયેલી
દેશમાં પહેલી પ્રાઇવેટ ટ્રેન એપ્રિલ, 2022માં દોડવાની શક્યતા છે. તે માટે બીડિંગ પ્રોસેસ શરૂ થઇ ગઇ છે. તેમાં 23 કંપનીએ રસ દાખવ્યો છે, જેમાંથી 10 કંપની નવી છે, એટલે કે તેમણે ક્યારેય પણ રેલવે સાથે જોડાયેલું કામ નથી કર્યું. બાકીની 13 કંપની પહેલેથી રેલવે સાથે જોડાયેલી છે. પ્રાઇવેટ ટ્રેન દોડાવવા ઇચ્છતી કંપનીઓમાં ઇન્વેસ્ટમેન્ટ, ફંડ મેનેજરથી માંડીને પાવર સેક્ટર તથા ખાણી-પીણીની સુવિધા આપતી કંપનીઓ પણ સામેલ છે.
આ ક્ષેત્રોની કંપનીઓએ રસ દાખવ્યો
રેલવેના કામનો અનુભવ ધરાવતી 13 કંપની પૈકી 11 ખાનગી કંપની કોચ, એન્જિન, પાર્ટ્સ કે કન્ટેનર સાથે સંબંધિત છે. તેમાંથી 2 કંપની રેલવે સ્ટેશન ડેવલપમેન્ટ સાથે જોડાયેલી છે.