ડીસામાં બાઈક ચોરીનો ભેદ ઉકેલાયો, એક આરોપીની અટકાયત

​બનાસકાંઠા એલસીબી પોલીસનો સ્ટાફ ડીસા શહેર વિસ્તારમાં પેટ્રોલિંગ કરી રહ્યો હતો. તે દરમિયાન, નેહરુનગર ટેકરા પાસે રાજીવ ગાંધી આવાસ નજીક એક મોટર સાયકલ ચાલકની હરકત શંકાસ્પદ જણાતાં તેને અટકાવી પૂછપરછ કરવામાં આવી હતી.અને મોટર સાયકલની માલિકીના પુરાવા માંગતા તેની પાસે કોઈ આધાર- પુરાવા નહોતા. યુક્તિપૂર્વક પૂછપરછ કરતાં તેણે કબૂલ્યું કે તેણે આ બાઈક ડીસા શહેરના મારવાડી મોચી વાસમાંથી ચોરી કરી હતી.​પોલીસે GJ 08 DF 6178 નંબરવાળા બજાજ કંપનીની પલ્સર મોટર સાયકલ (અંદાજે કિંમત રૂ. 80,000) જપ્ત કરી આરોપી વિરુદ્ધ ભારતીય નાગરિક સુરક્ષા સંહિતા કલમ 106 અને 35 (1) ઇ મુજબ કાયદેસરની કાર્યવાહી કરીને તેને શિહોરી પોલીસ સ્ટેશનને સોંપવામાં આવ્યો છે. ઝડપાયેલા આરોપીની ઓળખ વિજય ઉર્ફે દમણ દશરથભાઈ ઠાકોર (રહે. મેલડીમાતા મંદિર પાસે, નેહરુનગર ટેકરા વિસ્તાર, ડીસા, જિ.બનાસકાંઠા) તરીકે થઈ છે.