જમ્મુ-કાશ્મીરમાં સુરક્ષાદળોને મોટી સફળતા ત્રણ આતંકીઓની ધરપકડ

જમ્મુ-કાશ્મીરમાં સુરક્ષાદળોને મોટી સફળતા મળી છે. બારામુલ્લામાં સુરક્ષા દળોએ ત્રણ આતંકીઓની ધરપકડ કરી છે. આતંકીઓ પાસેથી મોટી માત્રામાં હથિયારો અને દારૂગોળો મળી આવ્યો છે. પોલીસે પ્રેસ કોન્ફરન્સમાં જણાવ્યું કે ત્રણેય આતંકવાદીઓ તાજેતરની આતંકવાદી ગતિવિધિઓમાં સામેલ હતા. આ આતંકીઓએ પટ્ટન વિસ્તારમાં આર્મી કેમ્પને નિશાન બનાવ્યું હતું. આર્મી કેમ્પ પર હુમલાની ઘટના બાદ પોલીસે એફઆઈઆર નોંધી હતી અને તપાસ બાદ પોલીસે હુમલામાં સામેલ ત્રણ આતંકીઓની ધરપકડ કરી હતી.

જે ત્રણ આતંકવાદીઓની પોલીસે ધરપકડ કરી છે. જેમાંથી એક મુક્ત થયેલો આતંકવાદી છે. આ આતંકીની અગાઉ ધરપકડ કરવામાં આવી હતી, પરંતુ થોડા સમય બાદ તેને છોડી દેવામાં આવ્યો હતો. જો કે જેલમાંથી છૂટ્યા બાદ આ વ્યક્તિ ફરી આતંકવાદી પ્રવૃતિઓમાં સામેલ થયો હતો અને હવે પોલીસે તેની ફરી ધરપકડ કરી છે. પોલીસે વધુમાં જણાવ્યું હતું કે આગામી દિવસોમાં વધુ ધરપકડો થઈ શકે છે.