![](https://www.rakhewaldaily.com/wp-content/uploads/2020/05/62ceaeef-5a2e-4bfe-8bae-b732cecabf98.jpg)
ડીસામાં જાહેરનામાનો ભંગ કરનાર ૮ સામે ફરિયાદ
રખેવાળ ન્યુઝ ડીસા : સમગ્ર ભારત કોરોના વાયરસની મહામારીએ હાહાકાર મચાવી દીધો છે. આ મહામારીએ ગુજરાતમાં પણ વિકરાળ સ્વરૂપ લીધું છે. જેને લઈને સમગ્ર દેશમાં ત્રણ તબક્કામાં ૫૪ દિવસનું લોકડાઉન અપાયું છે ત્યારે હાલ આ લોકડાઉનના ૫૨ માં દિવસે પણ અનેક લોકો લોકડાઉનનો ભંગ કરતા જોવા મળ્યા હતા. જેમાં ડીસા શહેરમાં પણ લોકડાઉન હોવા છતાં પણ અનેક લોકો અવારનવાર ખોટા બહાના બતાવી બહાર નીકળીને સતત લોકડાઉનના આદેશનો ભંગ કરી બહાર ફરતા હોય છે ત્યારે પોલીસે પણ આવા ઈસમો વિરુદ્ધ કાયદેસરની કાર્યવાહી હાથ ધરી છે. જેમાં ગુરુવાર અને શુક્રવારના દિવસ દરમિયાન કલેકટરના જાહેરનામાનો ભંગ કરી લોકડાઉન દરમિયાન બહાર ફરતા ૮ જેટલા ઈસમો સામે કલમ ૧૮૮, ૨૬૯ અને ૧૧૪ હેઠળ ગુનો નોંધી વધુ કાર્યવાહી હાથ ધરી છે તેમજ ત્રણ જેટલા વાહનો ડિટેઇન કરી કાર્યવાહી હાથ ધરવામાં આવી છે.
Tags Banaskantha Deesa