પાલનપુર સર્કિટ હાઉસ પાસે પાણીનો વેડફાટ : પીવાના પાણીની પાઇપ તૂટી જતા હજારો લીટર પાણીનો બગાડ

પાલનપુરના આબુ હાઇવે પર આવેલા સર્કિટ હાઉસ પાસે નગર પાલિકાની પીવાના પાણીની પાઇપ તૂટી જતા હજારો લીટર પાણીનો વ્યર્થ બગાડ થયો હતો. પાલનપુર સર્કિટ હાઉસ નજીક ગત રાત્રે પીવાના પાણીની પાઇપ લાઇન તૂટી હતી. જેને પગલે પાણીનો વેડફાટ થયો હતો. પીવા ના પાણીની મુખ્ય પાઇપ લાઇન માં ભંગાણ થતાં પાણીનો વેડફાટ થતો હોઈ લોકોએ વિડીઓ ઉતારી સોશિયલ મીડિયામાં વાયરલ કર્યો હતો. સતત ત્રણ કલાક સુધી હજારો લીટર પાણીનો વેડફાટ છતાં પાલિકા તંત્ર ફરક્યું ન હોવાનો ઉભરો લોકોએ ઠાલવ્યો હતો. પાલનપુર માં બે ત્રણ દિવસે લોકોને પીવાનું પાણી મળે છે. ત્યારે હજારો લીટર પાણીનો બગાડ થતા લોકો એ તંત્ર સામે ફિટકારની લાગણી વરસાવી હતી.