સુઇગામના સોનેથ ગામે પીકઅપ ડાલું પલટયું

કોરોના સંકટ વચ્ચે પણ બનાસકાંઠામાં માર્ગ અકસ્માતનો સીલસીલો યથાવત છે. વધું એક બનાવમાં પીકઅપ ડાલુ પલટવાની દુર્ઘટના સામે આવી છે. પીકઅપ ડાલામાં પેસેન્જરો સવાર હતા. જે પીકઅપડાલું રાધનપુર જઇ રહ્યુ હતું. બોરુડા પુલ પાસે રોંગ સાઇડમાં અચાનક ઉતરી જતા પલટી ખાઈ ગયું હતું સદનસીબે પેસેન્જરોનો આબાદ બચાવ થયો હતો પણ પેસેન્જરોને સામાન્ય ઇજાઓ પહોંચી હતી.
બનાસકાંઠા જીલ્લાના સુઇગામ તાલુકાના સોનેથ ગામે આજે સવારે એક માર્ગ અકસ્માત થયો છે. પીકઅપ ડાલું રોડની સાઇડમાં પલટી મારતાં અનેકને નાના-મોટી ઇજાઓ થઇ છે. આ ઘટનામાં એક મહિલા જેમનું નામ બઢિયા રમીલાબેન પ્રભુભાઈને હાથે ફેક્ચર થયેલ છે તેમજ અમુક પેસેન્જરોને હાથે-પગે તેમજ માથાના ભાગે સામાન્ય ઇજાઓ થયેલ છે.આ પિકઅપ ડાલાની અંદર એક મહિનાનું બાળક તેમજ માતાનો પણ કુદરતી આબાદ બચાવ થયેલ છે. આમ અચાનક થયેલ પીકઅપ ડાલાના અકસ્માતમાં કોઈ જાન હાની થઇ નથી. આ તમામ ઇજાગ્રસ્ત વ્યક્તિઓ અને પીકઅપ ડાલાના માલિક પ્રાઇવેટ દવાખામાં સારવાર કરાવી ઘરે પરત ફર્યો હતા.