ડીસામાં નવરાત્રી પર્વ નિમિત્તે પોલીસ દ્વારા રાત્રી દરમિયાન કડક ચેકિંગ હાથ ધરવામાં આવ્યું

દક્ષિણ પોલીસ દ્વારા દારૂ પીને વાહન ચલાવતા તેમજ દારૂ પીને ફરતા ત્રણ વ્યક્તિઓ સામે કાયદેસરની કાર્યવાહી કરવામાં આવી

ડીસામાં દક્ષિણ પોલીસ દ્વારા ગઈકાલે નવરાત્રી પર્વ નિમિત્તે ખાસ ચેકિંગ હાથ ધરવામાં આવ્યું હતું. જેમાં શહેરના વિવિધ સર્કલો ઉપર કડક ચેકિંગ હાથ ધરવામાં આવ્યું હતું જેમાં નવરાત્રી પર્વ નિમિત્તે નશાનું વ્યસન કરીને ફરતા લોકોનું ખાસ ચેકિંગ કરવામાં આવ્યું હતું. આ ચેકિંગ દરમિયાન પોલીસ દ્વારા ત્રણ જેટલા શખ્શો સામે પ્રોહિબિશન  એક્ટ મુજબનો ગુનો નોંધી તેમની સામે કાયદેસરની કાર્યવાહી કરવામાં આવી છે.

ત્યારે ગઈકાલે ડીસા શહેર દક્ષિણ પોલીસ મથકના પી.આઈ કે બી દેસાઈ અને તેમની સમગ્ર ટીમ દ્વારા શહેરના ફુવારા સર્કલ બગીચા સર્કલ રાજમંદિર સર્કલ શુભમ પાર્ટી પ્લોટ રેલવે સ્ટેશન ચાર રસ્તા એસીડબલ્યુ ચાર રસ્તા સહિતના વિવિધ વિસ્તારોમાં કડક ચેકિંગ હાથ ધરવામાં આવ્યું હતું જેમાં દારૂ પીને વાહન ચલાવતા લોકો અને નશા નું વ્યસન કરીને ફરતા લોકોનું કડક ચેકિંગ કરવામાં આવ્યું હતું આ ચેકિંગ દરમિયાન પોલીસ દ્વારા એક શખ્સને દારૂ પીને વાહન ચલાવતા ઝડપી પાડવામાં આવ્યો હતો જ્યારે અન્ય બે જણા સામે પણ દારૂ પીધેલા નો કેસ કરવામાં આવ્યો હતો.

ત્રણ શખ્સો સામે કડક કાર્યવાહી કરવામાં આવી છે પીઆઇ : આ અંગે ડીસા દક્ષિણ પોલીસ મથકના પીઆઇ કે બી દેસાઈએ રખેવાળ સાથેની ટેલીફોનિક વાતચીતમાં જણાવ્યું હતું કે નવરાત્રી પર્વ દરમિયાન પોલીસ દ્વારા સતત પેટ્રોલિંગ કરવામાં આવે છે અને ખાસ ચેકિંગ પણ કરવામાં આવે છે ત્યારે ગઈકાલે ત્રણ શખ્સો સામે પ્રોહિબિશન. એક્ટ મુજબની કાર્યવાહી કરવામાં આવી છે અને આ ચેકિંગ ઝુંબેશ સતત નવરાત્રી દરમિયાન ચાલુ રહેશે