![](https://www.rakhewaldaily.com/wp-content/uploads/2020/07/bhufdsbfsbfye.jpg)
ધાનેરાના રવિ ગામે યુવકની હત્યા કેસના ૬ પૈકી ૪ આરોપી કોરોના પોઝીટીવ
રખેવાળ ન્યુઝ ધાનેરા: ધાનેરા તાલુકાના રવિ ગામે બનેલી ચકચારી હત્યા કેસ મામલે ૬ જેટલા વ્યક્તિ સામે હત્યાની ફરિયાદ દાખલ થઈ હતી.જયારે હાલ કોરોના વાઇરસના લીધે પોલીસ મથકે લાવેલ તમામ આરોપીનો પહેલા કોરોના રિપોર્ટ લેવામાં આવતો હોય છે.ધાનેરા પોલીસ મથકે લાવેલા ૬ જેટલા આરોપીઓનો પણ રિપોર્ટ કરાવતા છ માંથી ચાર આરોપીનો રિપોર્ટ કોરોના પોઝીટીવ આવ્યો હતો.
આ મામલે ધાનેરા આરોગ્ય વિભાગએ પણ ચારે શખ્સોની આરોગ્ય તપાસણી હાથ ધરી તેમના સંપર્કમાં આવેલ પોલીસ કર્મી તેમજ અન્ય વ્યક્તિના નામો જાણી તમામને કોરોના વાઇરસ બાબતેની ગાઈડલાઈન પ્રમાણે રહેવા માટે તાકીદ કરાઈ છે. તેવી ધાનેરા આરોગ્ય વિભાગના અર્બન વિભાગના મેડિકલ ઓફિસર અતુલભાઈ પુરોહિતએ માહિતી આપી હતી.