સીપુ નદીમાં રેતીનું ગેરકાયદે ખનન ઝડપાયું : રેતી ખનન કરતા લોડર અને ત્રણ ટ્રેકટર કબજે કરાયા

સાતસણ ગામ નજીક પસાર થતી સીપુ નદીમાંથી રેતી ખનન કરતા લોડર અને ત્રણ ટ્રેકટર કબજે કરાયા: બનાસકાંઠા જિલ્લામાં દાંતીવાડા તાલુકાના સાતસણ ગામ નજીક પસાર થતી સીપુ નદીમાં ગેરકાયદે ચાલતા રેતી ખનન પર ગાંધીનગર વિજિલન્સ દ્વારા દરોડો પાડી રેતીનું ખનન કરતા લોડર મશીન તેમજ ટ્રેકટર કબજે કરાયા હતાં.

આ અંગેની વિગત એવી છે કે દાંતીવાડા તાલુકાના આરખી,સાતસણ,ઝાત,ગંગેશ્વર સહિના વિસ્તારમાં પસાર થતી સીપુ નદીમાં ગેરકાયદે ખનન બેરોકટોક ચલતા હોવાની અનેકો ફરિયાદો ઉઠતા ગુવારના ગાંધીનગર વિજિલન્સે  દાંતીવાડા  તાલુકાના સાતસણ નજીક  પસાર થતી સીપુ  નદીમાં દરોડા પાડયા હતાં.જ્યાં  ત્રણ ટ્રેકટર અને લોડર મશીન ગેરકાયદે રેતીનું ખનન કરતા ઝડપાઈ ગયા હતા.જે પાંથાવાડા પોલીસને સુપરત કરી આગળની કાર્યવાહી હાથ ધરવામાં આવતા ખનન માફીયાઓમાં ફફડાટ ફેલાયો છે.