બનાસકાંઠામાં કોરોના પોઝિટિવના ૭ કેસથી ફફડાટ

રખેવાળ ન્યુઝ પાલનપુર : સરહદી બનાસકાંઠા જિલ્લામાં કોરોના નો કાળો કહેર જારી રહ્યો છે. જિલ્લા માં શનિવારે સાંજે એક સાથે વધુ સાત વ્યક્તિઓનો રિપોર્ટ પોઝિટિવ આવતાં જિલ્લાવાસીઓમાં ફફડાટ વ્યાપી ગયો છે. જ્યાં પાલનપુર તાલુકાના વાસણી ગામે એક જ પંચાલ પરિવારના ૫ સભ્યો, ગઢ ગામે એક અને કાંકરેજ તાલુકાના વડા ગામના એક વ્યક્તિનો કોરોના રિપોર્ટ પોઝિટિવ આવ્યો હતો. આ વિસ્તારમાં આરોગ્ય વિભાગ દ્વારા ત્વરિત સર્વે હાથ ધરવાની તજવીજ સાથે પોઝિટિવ વ્યક્તિઓના સંપર્કમાં આવેલા વ્યક્તિઓને શોધવા માટે કાર્યવાહી હાથ ધરવામાં આવી છે. દરમિયાન જિલ્લામાં પોઝિટિવ કેસની સંખ્યા ૩૮ થવા પામી છે. સરહદી બનાસકાંઠા જિલ્લામાં શનિવારે એક સાથે ૭ કોરોના પોઝિટિવ કેસ નોંધાયા હતા.