ડીસા કોલેજ અને નગરપાલિકાના સયુંકત ઉપક્રમે એરપોર્ટ રનવે ની સફાઈ

ડી.એન.પી આર્ટસ એન્ડ કોમર્સ કોલેજના એન.એસ.એસ. વિભાગ તેમજ નગરપાલિકાના સયુંકત ઉપક્રમે ડીસાના એરપોર્ટ રનવેની સફાઈ કરવામાં આવી હતી. કાર્યક્રમ બાદ શમિયાણો ખૂલતાં રનવે પર ગંદકી અને પ્લાસ્ટિકના ઢગ ખડકાયા હતા. કોલેજના આચાર્ય રાજુભાઇ રબારીના માર્ગદર્શનમાં પ્રોગ્રામ ઓફિસર મિતલ વેકરિયા અને પ્રો. તૃપ્તિ પટેલના સહયોગમાં રાષ્ટ્રીય સેવા યોજનાના 33 સ્વયંસેવક ભાઈ બહેનોએ સ્વચ્છતા કરી હતી.

આ કાર્યમાં નગરપાલિકાના સેનેટરી વિભાગના દેવરામ ભાઈ માળી તથા સુમિતભાઈ ના સહયોગમાં 5 કર્મચારીઓ જોડાયા હતા. રનવે પરથી એકત્રિત કરેલા કચરાને નગરપાલિકાના ટ્રેક્ટર માં નાખીને ડંપિંગ સાઈટ પર લઈ જઈ તેનો યોગ્ય નિકાલ કારવામાં આવ્યો હતો. નગરપાલિકા પ્રમુખ તથા સેનેટરી વિભાગ ની વ્યવસ્થા સંભાળનાર કોર્પોરેટ મંજુલાબેને જરૂરી સાધનો પૂરા પાડી સહયોગ આપ્યો હતો.