![](https://www.rakhewaldaily.com/wp-content/uploads/2023/08/04-15.jpg)
અંબાજી તાલુકા પંચાયત દ્વારા આવનાર અંબાજી મહામેળા અંગે અલગ-અલગ સ્ટોલો માટે જાહેર હરાજી યોજાશે
યાત્રાધામ અંબાજી ખાતે આવનાર તારીખ 23/9/2023 થી 29/9/2023 દરમિયાન ભાદરવી પૂનમનો મહામેળો યોજનાર છે. આ મેળા દરમિયાન અંબાજીના જાહેર રોડ ઉપર દુકાનોની હંગામી જાહેર હરાજી થતી હોય છે. જેમાં અલગ અલગ સ્ટોલો લગાવવામાં આવતા હોય છે. જેમાં પ્રસાદ, ફૂડ, જનરલ, સરકારી વિભાગ સહિતના સખીમંડળોના સ્ટૉલો માટે જાહેર હરાજી થતી હોય છે. જેથી અંબાજી મહામેલા દરમિયાન લાખોની સંખ્યામાં આવતા માઁઈભક્તોને તમામ સુવિધાઓ કોઈપણ અગવડતા વગર મળતી રહે તે હેતુથી તાલુકા પંચાયત દ્વારા અંબાજીના જાહેરમાર્ગો પર દુકાનોની હરાજી કરવામાં આવે છે.અંબાજી ભાદરવી પૂનમ મહામેળો 2023માં જાહેર માર્ગો પર દુકાનોની હરાજીની તારીખ 24/8/2023થી લઈને 27/8/2023 સુધી જુની કોલેજ કમ્પાઉન્ડ ખેડબ્રહ્મા રોડ પર સવારે 10:30 થી લઈને સાંજે 6:00 વાગ્યા સુધી હંગામી દુકાનોની હરાજી રાખવામાં આવી છે. જાહેરમાર્ગો પર હરાજીની દુકાનોની તળિયાની કિંમત તથા બાકીની શરતો હરાજી સમય સ્ટોલ ઉપર જણાવવામાં આવશે. હરાજીમાં દુકાનો રાખવા ઈચ્છતા વ્યક્તિઓ પોતાના નામ સરનામા સાથે ઓળખાણની વિગતો તથા બે ફોટા સાથે હાજર રહેવાનુ રહેશે.હરાજીમાં દુકાન રાખનાર દુકાનવાળી જગ્યા અંગેના ઓળખાણ કાર્ડ માટે બે ફોટા અલગથી સાથે લાવવાના રહેશે. હરાજીથી દુકાન રાખનાર સિવાય અન્ય કોઈ વ્યક્તિ તેનો ઉપયોગ કરી શકશે નહીં. નક્કી થયેલ એજન્સી દ્વારા ટ્રેન્ટનું બાંધકામ કરી આપવામાં આવશે. અંબાજી મહામેળો 2023 પરિપૂર્ણ થયા બાદ તારીખ 30/9/2023ના રોજ હરાજીમાં આપેલી દુકાન ખાલી કરી પરત આપવાની રહેશે.