પાલનપુર પોલીસ સ્ટેશનના જુગારના ગુનામાં નાસતા ફરતા આરોપીને ઝડપી પાડયો

પાલનપુર શહેર પોલીસ સ્ટેશનના જુગારના ગુનામાં નાસતો ફરતો આરોપી ઝડપાયો છે. બેણપ સુઈગામના ઈસમને બનાસકાંઠા પેરલ ફ્લો સ્કોડે પાલનપુરના નવા બસ સ્ટેન્ડ પાસેથી બાતમી હકીકતના આધારે દબોચી લીધો હતો. પેરલ ફ્લો સ્કોડની ટીમે આરોપીને પાલનપુર પોલીસને સોંપી આગળની તપાસ હાથ ધરી છે.

પાલનપુર શહેર પૂર્વ પોલીસ સ્ટેશનના ગુનામાં નાસતા ફરતા આરોપીને નવા બસ સ્ટેન્ડ પાસેથી બનાસકાંઠાની પેરોલ ફ્લો સ્કોડે ઝડપી પાડયો છે. પેરોલ ફ્લો સ્કોડની ટીમ નાસતા ફરતા આરોપીની તપાસમાં હતી. આ દરમિયાન તેમને બાતમી મળતા તે આધારે પાલનપુર બસ સ્ટેન્ડ પાસે જુગારના ગુનામાં નાસતા ફરતા આરોપી ઉકાજી સોલંકી, બેણપ સુઈગામ વાળાને ઝડપી પાડી પાલનપુર પોલીસને સોપ્યો હતો. પોલીસે હાલ આગળની તપાસ હાથ ધરી છે.