![](https://www.rakhewaldaily.com/wp-content/uploads/2023/07/14-5.jpg)
થરાદમાં વીજ અધિકારીની બદલી થતાં વિદાય અને સત્કાર કાર્યક્રમ યોજાયો
થરાદમાં એપીએમસી હોલ ખાતે વિદાય અને સત્કારનો કાર્યક્રમ યોજાયો હતો. UGVCL પેટા વિભાગીય કચેરી થરાદ-1 નાયબ ઈજનેર વિજય મહેરીયાની શિહોરી ખાતે બદલી થતા તેમને વિદાય આપવામાં આવી હતી. તેમજ થરાદ-1ના નવા નાયબ ઇજનેર તરીકે આવેલા એલ.વી. પટેલને સત્કારવાનો કાર્યક્રમ રાખવામાં આવ્યો હતો.
આ ઉપરાંત લાઈનમેન એમ.કે. પટેલ અને લાઈનમેન ડી.પી. પટેલની અનુક્રમે રાહ અને લાખણી કચેરી ખાતે બદલી થતાં તેમને પણ વિદાય આપવામાં આવી હતી. આ પ્રસંગે બનાસ બેંકના ડિરેક્ટર શૈલેષ પટેલ, એપીએમસી સેક્રેટરી ભેમજી પટેલ, એપીએમસી ડિરેક્ટર જેતસી પટેલ તથા સરપંચ એસોસિએશનના પ્રમુખ કાળુ પટેલ સહિત ટેકનિકલ મિત્રો, બિલિંગ સ્ટાફ મિત્રો અને કોન્ટ્રાક્ટર મિત્રો મોટી સંખ્યામાં હાજર રહ્યા હતા.