મોડાસા-શામળાજી સ્ટેટ હાઇવે પર બાઇક સવાર યુવકને અજાણ્યા ટ્રક ચાલકે અડફેટે લેતા યુવકનું ઘટનાસ્થળે જ મોત

શામળાજી-મોડાસા હાઇવે પર બામાણવાડ ગામ પાસે એક બાઇક સવાર યુવક પોતાની સાઈડ પર બાઇક લઈને પસાર થતો હતો. તેવામાં પાછળ તેજ રફતારથી આવી રહેલા ટ્રક ચાલકે બાઇક સવારને પાછળથી ધડાકાભેર અડફેટે લેતા બાઇક સવાર યુવક બાઇક સાથે નીચે પટકાયો હતો અને તેનું ઘટના સ્થળે જ મોત નીપજ્યું હતું. અકસ્માત સર્જનાર અજાણ્યો ટ્રક ચાલક પણ ટ્રક લઈ ફરાર થઇ ગયો હતો. આમ શામળાજી-મોડાસા હાઇવે પર ટ્રક ચાલકની બેદરકારીથી હિટ એન્ડ રનની ઘટના સામે આવી છે. સમગ્ર બાબતે ટીંટોઇ પોલીસ ઘટનાસ્થળે દોડી આવી હતી અને ફરાર ટ્રક ચાલકની શોધખોળ હાથ ધરી છે.